Z. M. Bobur nomidagi Andijon Davlat Universiteti

II-bob. Tajribaviy qism.

1. 
   Kerosinning fizik ko’rsatkichlarini o’rganish. Suyuqliklarning qaynash temperaturasini aniqlash.
   

Suyuq organik moddalarning tozaligi ularning qaynash temperaturasini o’lchash bilan aniqlanadi. Qaynash temperaturasini aniqlash uchun sinalayotgan modda qaynagach, modda bug’i termometr simob ustunini ma’lum ko’rsatgichigacha ko’tarishi orqali uning qaynash temperaturasi aniqlanadi. Bu ayni moddaning qaynash temperaturasi deb yuritiladi.

Quyida sinalayotgan modda suyuqlikning qaynash temperaturasi Sivolobov usuli bilan aniqlash keltirilgan.

1-rasm. Suyuqliklarning qaynash temperaturasini aniqlash.

Tajribaning borishi; oz miqdordagi modda diametri 2—3 mm, uzunligi 3 sm li naychaga solinadi. Uning ichiga uzunligi 4 sm, diametri 0,5 mm li bir uchi kavsharlangan ingichka kapillyar tushiriladi. Naycha rezina yordamida termometrga tutashtiriladi. Termometr esa asbobga o’rnatiladi, so’ngra asbob qizdiriladi. Avval sekin, keyin shiddatli pufakchalar ajralib chiqadi. Shu paytdagi temperatura moddaning qaynash temperaturasiga juda yaqindir. Ko’rsatkich aniq bo’lishi uchun naychani qizdirish to’xtatiladi va pufakchalar ajralib chiqishi to’xtagan temperatura aniqlanadi. Ana shu ko’rsatkich moddaning qaynash temperaturasidir[53].