Qashqadaryo viloyatining 2015 1-yarim yillikda ijtimoiy-iqtisodiy rivojlanish ko´satkichlari

"Keksalarni e´zozlash yili" Davlat dasturining bajarilishi to´g´risida
2015 yilning birinchi yarmida umumta´lim va sog´liqni saqlash muassasalarini jihozlash, kapital ta´mirlash va rekonstruksiya qilish jamg´armasi mablag´lari hisobidan 42,3 milliard so´m o´zlashtirildi, bu rejadagi yillik hajmning 63,3 foizini tashkil etdi.

"Keksalarni e´zozlash yili" Davlat dasturi ijrosi doirasida joriy yilning 6 oyi davomida viloyatda 167 milliard so´mlik ishlar amalga oshirildi. Sarflangan mablag´ning 15,3 milliard so´mi byudjet va byudjetdan tashqari fondlar, 83,8 milliard so´mi homiylar va ijrochilar hamda 67,9 milliard so´mi bank kreditlari hissasiga to´g´ri keladi. Dasturda birinchi yarim yillikda amalga oshirilishi rejalashtirilgan barcha bandlarning ijrosi ta´minlandi.

Yakkabog´ tumanidagi Saxovat va Shahrisabz tumanidagi Muruvvat internat uylarida yashovchi keksa kishilarni ma´naviy va moddiy qo´llab-quvvatlash bo´yicha chora-tadbirlar kompleksi ishlab chiqilib, 213 million so´mdan oshiq homiylik yordami ko´rsatildi. Reabilitasiya texnika vositalariga muhtoj bo´lgan nogironlardan 77 nafari aravachalar, 39 nafari eshitish moslamalari, 122 nafari hassa va 47 nafari qo´ltiqtayoq bilan ta´minlandi.

"Sog´lom avlod uchun" xalqaro xayriya jamg´armasi viloyat bo´limi tomonidan qo´shimcha tarzda 41 nafar ehtiyojmand nogironga aravacha, hassa va dori-darmon bepul tarqatildi. Joriy yilning o´tgan davrida 220 nafar 1941-1945 yillardagi urush va mehnat fronti faxriysi va 1496 nafar keksa pensioner va nogiron mehnat va aholini ijtimoiy muhofaza qilish vazirligi tizimidagi sanatoriyalarda bepul sog´lomlashtirildi. 220 ta korxona va tashkilotlar tomonidan 425 nafar shaxs pensiyaga chiqishdan oldin 1 milliard 278 million 9 ming so´mlik moddiy yordam va qimmatbaho sovg´alar bilan taqdirlandi.