Yangi davr arab adabiyoti

Jazoirning fransuzzabon adabiyoti 
Jazoirning fransuz tilidagi adabiyoti taraqqiyotida roman yetakchi mavqeni ishg‘ol etadi. 
Odatda,  bu  janrni  50-yillarning  boshlarida  paydo  bo‘lgan,  deb  hisoblashadi.  Bu  davrda  Mulud 
Feraun,  Mulud  Mammeri,  Muhammad  Dibning  asarlari  birin-ketin  bosilib  chiqa  boshlagan, 
so‘ngroq  bu  mualliflar  qatoriga  Kateb  Yasin,  Malik  Haddod,  Osiyo  Jobir,  Murod  Burbunlar 
qo‘shildilar.  
XX  asrning  50-yillarida  nashr  etilgan  maishiy  romanlar  aniq  maqsad  sari  yo‘naltirilgan 
edi.  Nafaqat  Jazoir  yozuvchilari,  balki  tunislik  Alber  Memmi,  marokashlik  Dris  Shraybi 
qalamiga  oid  bu  asarlarda  kolonial  adabiyot  ijodkorlari  hafsala  bilan  xaspo‘shlashga  harakat 
qilgan Shimoliy Afrika voqeligi haqiqiy tarzda aks ettirildi, «madaniyatli odamning» Afrikadagi 
ko‘klarga ko‘tarib maqtalgan «missiya»si fosh etildi.