Y. R. Toshmatov, Sh. A. Sulaymonov, G’. O. Mamajanov Namangan-2017

Flavonoidlarning fizik va kimyoviy xossalari 
Ajratib olingan flavonoidlar rangsiz yoki ko’pincha sariq rangda 
bo’lgan kristal moddalar bo’lib, ularning aglikonlari organik erituvchilarda 
eriydilar, suvda erimaydilar. Ularning glikozidlarida qand moddasi qancha 
ko’p bo’lsa, shuncha suvda eruvchanligi ortib boradi va organik 
erituvchilarda erishi kamayaveradi. Aglikon ham, glikozidlar ham spirtda 
yaxshi eriydi. O - glikozidlarning eritmasiga kislota, ferment, ishqorlar ta`sir 
ettirilsa gidrolizga uchrab aglikon va qand moddalarga parchalanadi. 
S - glikozidlarni aglikonlarini olish uchun qattiq sharoit, Kiliani 
aralashmasi, Na metalini suyuq ammiakdagi aralashmasini ta`sir ettirish 
kerak. 
Antotsianidinlar rangli eritmalar hosil qilib, uning rangi eritmaning rN 
ga bog’liq. Kislotali sharoitda qizil, pushti, zarg’aldoq bo’lib, ishqoriy 
sharoitda esa binafsha, ko’k, zangori rangda bo’ladi.