Xalqaro tijorat ishi

Universal (ko'p maqsadli) transport hujjati - har bir yuk tashuvchi yoki transport operatori, bu hujjatda qayd etilgan tashishda xalqaro Konventsiya yoki milliy qonunchilik va tashish shartlariga binoan amalga oshirilishi mumkin bo‘lgan bir yoki bir nechta mamlakat territoriyasida, bir yoki bir nechta tashish bitimi tuzilganligini ta‘kidlovchi hujjat hisoblanadi.
Kombinatsiyali tashish hujjati - bu kombinatsiyali tashishni bajarish yoki ta‘minlash maqsadida tuzilgan bitim mavjudligini tasdiqlaydigan aylanma yoki noaylanma hujjatdir. Uning ustki tarafida kombinatsiyali tashish hujjatlari tegishli bir hil qoidalarga mos ravishda chiqarilgan —kombinatsiyali tashish aylanma hujjati” yoki —kombinatsiyali tashish noaylanma hujjati” deb yozib qo’yilgan bo’lishi kerak.
Aralash tashish hujjati - operator yukni qabul qilib olganligi hamda bitim shartlariga binoan yukni tashib berish javobgarligini oluvchi hujjat.
Yukni qabul qilish haqida tilxat. Xujjatda aytib o‘tilgan shartlarga binoan yuklarning qabul qilinganligi qayd etilgan, tashuvchiga transport hujjatini yozib berish imkoniyatini beradigan, tashuvchi yoki tashuvchining agenti tomonidan beriladigan hujjatdir.
Kafolat xati - bu yuk qabul qiluvchi yoki uning banki tarafidan beriladigan hujjat bo‘lib, bunda transport hujjatlarini rasmiylashtirilmaganligi uchun kelib chiqadigan xar qanday oqibatlarga yuk tashuvchining javobgar emasligini ta‘kidlaydi.
Transportirovka qilish to'risida ekspeditorlik guvohnomasi (FIATA) - aylanma hujjat bo‘lib, quyidagilarni tasdiqlash uchun ekspeditor tomonidan beriladi: ekspeditor aniq partiyani yuk jo‘natuvchi instruktsiyasiga binoan transport qilish va tashish va o‘zlari belgilangan transportda agentligi vositachiligida yukni hujjat egasiga etkazib berish javobgarligini o‘z bo‘yniga olishni tasdiqlaydi.