Windows tizimi muhitida matnli axborotlarni yaratish va tahrirlash. Microsoft Word dasturi

Kompyuter virusi - EHM ning xavfli "dasturi". Kompyuter egasini ogoxlantirmay va uning istagiga qarshi uning dasturiga "joylashtiriladi" va zaryadlangan faylni navbatdagi qoʻyishda koʻpayadi. Kompyuter virusi kompyuterning risoladagi ish meʼyorini buzadi, maʼlumotlarni oʻchirib yuboradi, displey (monitor) ekranidagi tasvirni buzadi, hisoblash jarayonini sekinlashtiradi. Kompyuter virusi dasturini ishlab chiquvchilar 20-asr 80-yillari boshida AQShda paydo boʻldi, keyin dunyoning barcha mamlakatlariga tarqaldi. Kompyuter virusiga qarshi kurashish uchun maxsus dasturlar ishlab chiqiladi.

Kompyuter virusi klassifikatsiyasi

Ekspertlarning hisoblariga ko’ra, hozirgi kunda mavjud bo’lgan viruslar soni 10 000 000 dan ortib ketdi. Har kuni 8-10 ta yangi viruslar yaratilmoqda. Hozirgi kunda amalda harakatda bo’lgan viruslarning soni 300 ga yaqin deb hisoblanmoqda. Taniqli virusologlardan biri Yevgeniy Kasperskiy viruslarni belgilari bo’yicha quyidagicha tasniflashni taklif qiladi:

• Virusning yashash muhiti bo‘yicha
• Yashash muhitini zararlash usuli bo‘yicha
• Destruktiv imkoniyatlari bo‘yicha
• Virus algoritmining o‘zgachaligi bo‘yicha

• Virusning yashash muhiti bo‘yicha:
• Tarmoq – kompyuter tarmog‘i bo‘yicha tarqaladi.
• Fayl – bajarilayotgan fayllarga tadbiq qilinadi.
• Yuklanuvchi – diskning yuklash sektori (Boot-sektor)ga tadbiq qilinadi.
• Yashash muhitini zararlash usuli bo‘yicha:
• Rezident – kompyuter xotirasida joylashadi va kompyuter o‘chirilgunga qadar faol bo‘ladi;
• Norezident – xotirani zararlamaydi, ma’lum bir vaqt oralig’ida faol bo‘ladi.
• Destruktiv imkoniyatlari bo‘yicha:
• zararsiz – ishga ta’sir qilmaydi; tarqalishi natijasida diskning bo‘sh xotirasini kamaytiradi;
• xavfsiz – diskning bo‘sh xotirasini kamaytiradi, ovoz, grafik va boshqa effektlar yaratadi;
• xavfli – ish jarayonida jiddiy uzilishlarni keltirib chiqarishi mumkin;
• o‘ta xavfli – dasturlar yoki tizim ma’lumotlarining yo‘qolishiga olib kelishi mumkin.