«veterinariya» ixtisosligi bo’yicha oliy o’quv yurtlari uchun qo’llanma

Kechishi va prognozi.
Alimentar anemiya qish va bahor fasllarida 
o’tkir kechadi, yoz va kuzda yarim o’tkir yoki surunkali tarzda kechib, 
nisbatan yengil o’tadi. 
Davolash
- profilaktik tadbirlarining o’z vaqtida o’tkazilishi yaxshi 
samara beradi. Lekin kasallanib tuzalgan hayvon o’sish va 
rivojlanishdan qoladi. 
Tashxis. 
Saqlash sharoitlari va rasionlarni tahlil qilish, klinik, 
laborator va patologoanatomik tekshirishlar natijalari hisobga olinadi. 
Alimentar anemiya uchun gipoxrom anemiya xarakterli test hisoblanadi.
Anemiya sindromi, teri va teri qoplamasida o’zgarishlar kuzatilishi, 
o’sish va rivojlanishdan qolish, ishtahaning o’zgarishi, qondagi 
gemoglobin miqdorining keskin kamayishi va rang ko’rsatkichining 
pasayishini alimentar anemiyada diagnozning me’zoni hisoblanadi.
Kasallikni 
oshqozon 
yarasi, 
gelmintoz 
kasalliklar 
paytida 
kuzatiladigan postgemorragik anemiyalar, radiasiyaning ta’sirida 
kuzatiladigan gipoplastik (aplastik) anemiyalardan farqlash lozim.
Davolash va profilaktikasi. 
Alimentar anemiyani davolashning 
asosini temir saqlovchi (ferrodekstran) preparatlarni (ferroglyukin - 75, 
urzoferan-100, glyukoferon, ferbitol, polifer, impozil, gemodeks, 
ferrum-lek va b.) parenteral yo’llar bilan organizmga yuborish tashkil 
etadi.
Ferroglyukin - 75
profilaktik maqsadda (bir boshga) 3-4 kunlik 
cho’chqa bolalariga 2-3 ml, ehtiyoj tug’ilganda ularning 15 - 20 
kunligida ikkinchi marta yana 3ml, bug’oz ona cho’chqalarning 
tug’ishiga 15 - 20 kun qolganda 10 ml, 5-6 kunlik qo’zi va o’loqlarga - 
3-4 ml, 3-4 kunlik buzoq va toylarga - 5-8 muskul orasiga inyeksiya 
qilinadi. Ferroglyukin 75 preparatining terapevtik dozasi uning 
profilaktik dozasidan 1,5-2 marta ko’p bo’ladi.

---

180 
Alimentar anemiyaning polietiologik kasallik ekanligini hisobga 
olib, keyingi yillarda kompleks preparatlar keng qo’llanilmoqda.