Uzum Business qanday ishlaydi

#7.4 Xaridorlar tomonidan tovarlarning qaytarishlari va brak

Uzum – sifatli mahsulotlar marketpleysi. Biz nuqsonli mahsulotlarni sotmaymiz va siz ham to'liq javobgarlikni o'z zimmangizga olgan holda tovarlar va ta'minotchilarni tanlashda, sifat nazoratini qat'iy bohqarishda ishga e'tibor bilan yondashishingizga umid qilamiz.
Ushbu bo'limda biz tovar qaytarishlari va braklar bilan ishlash tartibini batafsil bayon qildik. Saytimizda muvaffaqiyatli sotuvchi bo'lishni va sifatli xizmat ko'rsatishni istagan har bir kishi bu yo'riqnomani bilishi kerak.

#

Xaridorning tovarni qaytarish sabablari

1. 
   Xaridor tomonidan buyurtma qilingan mahsulot tavsifga mos kelmaydi.
   
2. 
   Buyurtma to'liq emas, yoki to'liq jihozlanmagan holda yetkazib berilgan.
   
3. 
   Mahsulot qadog'i g’ijimlangan, tashqi ko'rinishi buzilgan.
   
4. 
   Mahsulot nuqsonli yoki buzilgan (ishlamaydi, shikastlangan).
   
5. 
   Xaridor "Iste'molchilarning huquqlarini himoya qilish to'g'risida" gi qonunga muvofiq sotib olishdan bosh tortadi. Unga ko'ra, sifatli tovar 10 kun ichida qaytarib berilishi mumkin. Sabab tariqasida "yoqmadi" yoki "mos kelmadi" deb ko'rsatiladi.
   

Ohirgi holda, tovarlar omborga qaytariladi va qayta sotiladi. Dastlabki to'rt holda qaytarilgan tovarlar brak toifasiga tushadi va alohida saqlanadi.

#

Brakli tovarlar bilan nima qilish kerak
Brakli buyumlar xaridor qaytarganidan keyin 30 kun ichida ombordan olib ketilishi kerak. Agar bu vaqt ichida ularni olib chiqishga imkoningiz bo'lmagan bo'lsa, ofertaga ko'ra, bu utilizatsiya qilishga rozilik deb hisoblanadi. Shuning uchun, tovar qaytarishlarini kuzatib borish va ularga o'z vaqtida javob berishga harakat qiling. Shuni yodda tutingki, brakli mahsulotlarni yig'ish, tashish va rasmiylashtirish uchun tayyorlash bir hafta vaqtni oladi. Tovarlarni ombordan olib chiqish haqida to'liq ma'lumotni bu erda o'qing.
Agar sizga nuqsonli tovarlar kerak bo'lmasa va siz ularni olib ketishni xohlamasangiz, nuqsonlarni yig'ish shaklini to'ldirgandan so'ng, brakni qayta ishlash uchun arizani to'ldiring va uni shaxsiy kabinetingizning veb-saytidagi biznesni qo'llab-quvvatlash chatiga yuboring. Ariza shaklini havoladan yuklab olish mumkin.

#