Ус таълим вазирлиги ўзбекистон республикаси соғЛИҚни сақлаш вазирлиги

Бизнес режалаштириш
Бу ташкилот киска муддатга (1 ёки 2 йилга) ўзининг аниқ вазифаларини белгилаб олиш, ўз олдига қўйган мақсадига эришишида мавжуд имкониятлардан унумли фойдаланишга имкон берувчи дастурдир.
Бизнес режалаштириш соғлиқни сақлаш муассасаларининг бирламчи бўғимларида ҳам тиббий хизмат кўрсатишни сифат ва самарадорлигини оширишга ёрдам беради.
Бизнес режалаштиришнинг асосий мақсади-бу муассаса ёки ташкилотнинг асосий мақсадини амалга оширишга хизмат қилиш, ахолини, аниқ тиббий хизматлар турларига бўлган эхтиёжини сифатли ва самарали қондиришдан иборат.
Соғлиқни сақлашда бизнес режалаштириш мавжуд ресурслардан унумли фойдаланиш ва пуллик хизматни ташкил этиш ҳамда қўшимча дарамод олиш имкониятини беради. Бизнес режалаштиришнинг асл мохияти мувоффақиятсизликларни четлаб ўтиб, ютуққа эришиш.
Бизнес режа - бу, маълум вақт оралиғида иш кучи, моддий ва молиявий ресурслардан унумли фойдаланган ҳолда муассасаларнинг асосий фаолиятини белгилаб самарадорлигини таъминловчи дастур ҳужжатдир.
Бизнес режа ташкилот фаолиятининг йўналиши ҳақида маълумот берувчи муҳум манбадир. У тиббий хизмат кўрсатиш сифати ва унинг самарадорлигини ошириш тадбирларни асослаш борасидаги ҳисоб-китобни ҳам ўз ичига олади.
Бизнес режа муассаса фаолияти концепцияси ва стратегиясини ишлаб чиқишда, яқин ва нисбатан узоқ келажакга мўлжалланган режани аниқлашда, томондан муассасанинг маълум вақт оралиғида эришган натижаларини баҳолаш, фаолиятнинг самараси ва унумдорлигини ошириш, муассаса фаолиятини янада яхшилаш учун ўз вақтида чора-тадбирлар қабул қилиш, кўшимча маблағ манбаларини аниқлаш ва жалб этиш учун фойдаланилади.
Сифатли тузилган бизнес режа куйидагиларни амалга оширишда ёрдам беради:

1. 
   ташкилотнинг мақсад ва вазифаларини аниқ ифодалашга ва шунингдек унга эришиш усулларини аниклашга;
   
2. 
   кўрсатилаётган тиббий хизмат таркиби ва уларнинг кўрсаткичларини аниқлашга;
   
3. 
   мавжуд мутахассисларнинг билими ва малакаси даражасини белгиланган мақсад ва вазифаларга мувофиқ эканлигини аниқлаш учун белгиланган мақсадга молиявий ва моддий ресурсларни жалб этиш имкониятини баҳолашга;
   

3. 
   самарали тиббий ёрдам кўрсатиш, соғлом турмуш тарзини тарғиб
   этишга қаратилган чора - тадбирларни ва бошқа чора тадбирларни
   белгилашга;
   
4. 
   белгиланган мақсадга эришиш йўлидаги тўсиқ ва хавфларни олдиндан кўра билишга.