Umurtqalilar

Quyida quyonning tashqi tuzilishi to'g'risida to'laqonli ma’lumotlar keltiriladi.
Tashqi tuzilishi. Quyonning gavdasi — bosh, bo'yin, tana,
dum va orqa hamda oldingi oyoqlarga bo'linadi ( 101-rasm).
101-rasm. Tolay tovushqoni.


Tumshuqning pastki qismiga joylashgan og'iz teshigi ha­ rakatchan lab bilan o'ralgan. Yuqori lab ikkiga bo'lingan. Ko'zlarini shikastlanishdan asraydigan harakatchan yuqorigi
va pastki qovoqlari bor. Qovoq chetida qattiq tuksimon kipriklar joylashgan. Ko'zning ichki burchagidagi uchinchi qovoq yoki yumgich parda rudiment (qoldiq) holda. Ko'zdan yuqoriroqda elastik tog'ay skeletli quloq supralari joylash­
gan.


Tumshug'ining uchida ikkita yoriqsimon burun teshiklari bor.
Dumining ostida orqa chiqarish teshigi bor, undan bir oz oldinda siydik — tanosil teshigi joylashgan. Urg'ochisida siy­ dik tanosil teshigi kenggina yoriq shaklida, erkagida esa kichki­ na erkaklik jinsiy a’zosining uchiga o'rnashgan. Voyaga yetgan erkak quyonda jinsiy a’zoning ikki yonidagi terisi ko'tarilib xaltacha —yorg'oq hosil qiladi. Oldingi oyoqlari deyarli kalta va besh barmoqli, orqa oyoqlari esa uzun hamda to'rt bar­ moqli bo'ladi. Barcha barmoqlarida timoqlari bor.
Quyonning gavdasi yunglar bilan qoplangan. Mo'yna ikki xil yungdan: yo'g'on va uzun qildan va shu qillar tagiga o'rnashgan kalta va yumshoq tivitdan iborat. Tumushug'ining uchida siyrak, uzun va juda qattiq tuklar — vibrissalari bor. Bunday tuklar ko'z usti va oralig'ida, ustki va pastki lablarda hamda quloqlarining oralig'ida ham bo'ladi. Urg'ochi quyon­ ning qornida sut bezlari va 5 juft so'rg'ichlari bor.