Umumiy o'rta ta'lim sifatini oshirish: mazmun, metodologiya, baholash va ta'lim muhiti

643

 

 

"Umumiy o'rta ta'lim sifatini oshirish: mazmun, metodologiya, baholash va ta'lim muhiti"  

xalqaro onlayn ilmiy-amaliy konferensiya materiallari 

 

2020–2021-o‘quv yilidan boshlab O‘zbekiston Respublikasi Xalq taʼlimi tizimida 

“Milliy o‘quv dasturi”ni yangi bichimda ishlab chiqishga dastlabki qadam tashlandi. O‘z 

navbatida, qator  darsliklar  yangi  dizayn,  texnologik  yechim  va  elektron  ilovalarga  ega 

bo‘la boshladi.  

Quyida namuna sifatida “Raqamli darslik”ning tarkibiy tuzilmasi keltirilgan: 

 

Birgina  “Informatika”  darsligining  o‘zida  5-sinfdan  boshlab  yilma-yil,  darslik 

mazmuni  o‘zlashtirilishi  darajasining  ortib  borishi barobarida  bolajonlarimizga  darslik 

negizida aniq kasbiy ko‘nikmalarni shakllantirishni rejalashtirdik. Misol uchun 5-sinfdan 

boshlab  “Tez  yozish”  ko‘nikmasi,  so‘ngra  Scratch  dasturiy  muhiti  yordamida 

algoritmlash  va  ssenariy  bilan  ishlash  ko‘nikmalari  shakllantiriladi.  Muhim  jihati,  8-

sinfdan boshlab farzandlarimiz mustaqil taʼlim olish, ochiq onlayn platformalardan zarur 

kurslarni  topish,  kontent  menejment-LMS  tizimlarda  sahifalar  yaratish  va  frilanserlik 

bozorida o‘zini ko‘rsata olish ko‘nikma va kompetensiyalariga ega bo‘ladilar. 

Savol tug‘ilishi tabiiy: Nega aynan 8-sinf? Mutaxasassislar fikricha, yoshlarni 8-

sinfdan  mustaqil  taʼlim  olishga  tayyorlash  maqsadga  muvofiqdir.  Oldinda  yana  9–11-

sinflar  turibdi.  Bu  qolgan  davr  –  ingliz  tilini  mukammalroq  o‘rganish,  xalqaro 

sertifikatlarga  ega  bo‘lish,  umumtaʼlimdan  keyin  egallanishi  rejalashtirilayotgan  kasb 

yoki kirish rejasidagi universitet imtihonlariga tayyorlanish uchun eng qulay vaqt.  

Ochiq  onlayn  platformalar  bilan  ishlashni  o‘rgangan  farzandlarimiz  xalqaro 

miqyosda  maʼlum-u  mashhur  universitet  talabasi  bo‘lish  yoki  mehnat  bozorida 

mo‘maygina  daromad  topadigan  kasblardan  birini  egallash  va  sertifikat  sohibi  bo‘lish 

imkoniyatiga ega bo‘ladi. 

Bular qanday kasblar? Mehnat bozorida oliy maʼlumot talab qilmasdan egallasa 

bo‘ladigan kasblar qanday kasblar ekan? 

---