Umumiy o'rta ta'lim sifatini oshirish: mazmun, metodologiya, baholash va ta'lim muhiti

607

 

 

"Umumiy o'rta ta'lim sifatini oshirish: mazmun, metodologiya, baholash va ta'lim muhiti"  

xalqaro onlayn ilmiy-amaliy konferensiya materiallari 

 

Masofaviy  o‘qitishning  pedagogik  texnologiyalari -  tanlangan  o‘qitish 

kontseptsiyasiga  asoslangan  masofaviy  ta’limning  o‘quv-tarbiyaviy  jarayonini 

ta’minlovchi o‘qitish metodi va uslublar majmuasi. 

Ma’lumki,  yurtimizda  hozir  sinovli  kunlar  hukm  surmoqda.  Yurtimizda 

koronavirus  pandemiyasi  tarqalishining  oldini  olish  maqsadida  qat’iy  karantin  e’lon 

qilingan  bo‘lib,  hammani  o‘z  uyida  qolib,  ko‘chaga  chiqmaslikka  da’vat  etilmoqda. 

Karantin  munosabati  bilan  16-mart  sanasidan  boshlab,  barcha  turdagi  ta’lim 

muassasalariga ta’til e’lon qilindi. 

O‘zbekiston Pespublikasi Bandlik va Mehnat munosabatlari vazirligining Adliya 

vazirligidan  3228-son  bilan  ro‘yxatdan  o‘tgan  2020-yil  25-martdagi  9-2020-5-sonli 

buyrug‘i hamda O‘zbekiston Pespublikasi Xalq ta’limi vazirining 2020-yil 31-martdagi 

91-sonli buyruqlari asosida maktab o‘quvchilari bilan masofaviy ta’limni yo‘lga qo‘yish 

ishlari amalga oshirildi. 

Jumladan, bizning 28-sonli umumiy o‘rta ta’lim maktabida ham karantin davrida 

bu  borada  samarali  ishlar  tashkil  qilinib,  o‘quvchilar  bilan  masofaviy  ta’lim  yo‘lga 

qo‘yildi.  Televidenie  orqali  berib  borilayotgan  teledarslarni  kuzatib  borishni  nazorat 

qilish  maqsadida barcha sinf  rahbarlari,  fan o‘qituvchilari ko‘rsatmaga  asosan, har  bir 

o‘quvchining  ota-onasi  bilan  muloqotda  bo‘lib,  oilaviy  sharoiti,  aloqa  vositalarining 

texnik  imkoniyatlaridan  kelib  chiqqan  holda  o‘quvchi  va  ularning  ota-onalari  bilan 

teledarslarni kuzatib borish, shu asosda qo‘shimcha savollar va qo‘shimcha materiallar 

tayyorlash, qisqa tushuntirishlar berib borish tizimi yo‘lga qo‘yildi. 

O‘quvchilar  bilan  masofaviy  ta’limning  yo‘lga  qo‘yilishini  ota-onalar  ijobiy 

baholab, o‘z minnatdorchiligini bildirmoqdalar. O‘z navbatida ular ham farzandlarining 

dars  mashg‘ulotlariga  bee’tibor  bo‘lmasdan,  farzandlarining  teledarslarni  kuzatib 

borishlarini nazorat qilib bormoqdalar. Sinf rahbarlari va fan o‘qituvchilarning masofaviy 

ta’lim borasida olib borayotgan faoliyatlarini qo‘llab-quvvatlamoqda.