Umumiy o'rta ta'lim sifatini oshirish: mazmun, metodologiya, baholash va ta'lim muhiti

TIMSS XALQARO TADQIQOTINING TABIIY FANLAR 

YO‘NALISHIGA O‘QUVCHILARNI TAYYORLASH  

 

Tog‘ayeva Gulchehra Olimjonovna,  

Ta’lim sifatini baholash bo‘yicha xalqaro tadqiqotlarni amalga oshirish milliy 

markazi bosh mutaxassisi 

 

O‘zbekiston Respublikasi Vazirlar Mahkamasining “Хаlq ta’limi tizimida ta’lim 

sifatini  baholash  sohasidagi  xalqaro  tadqiqotlarni  tashkil  etish  chora-tadbirlari 

to‘g‘risida”  2018-yil  8-dekabrdagi  997-sonli  qaroriga  muvofiq  mamlakatimiz  xalqaro 

PIRLS,  TIMSS,  PISA,  TALIS  tadqiqotlarida  ishtirok  etishi  belgilangan.  Mazkur 

tadqiqotlar  mamlakatimiz  ta’lim  tizimiga  qiyosiy  baho  berish,  ta’lim  sifatini  baholash 

milliy tizimida tub islohotlar olib borishga imkon beradi.  

O‘quvchilarni xalqaro tadqiqotlarda munosib tayyorlash o‘qituvchilarimiz oldida 

turgan  dolzarb  vazifalardan  biri  sanaladi.  Ushbu  vazifani  amalga  oshirishga  xalqaro 

tadqiqotlarning  mazmun-mohiyatini  anglash,  maktab  o‘quv  dasturlarini  ilg‘or  xorijiy 

tajribalar asosida takomillashtirish katta ahamiyatga ega. 

TIMSS (Trends in International Mathematics and Science Study) -o‘quvchilarning 

matematika va tabiiy yo‘nalashdagi fanlarni o‘zlashtirish darajasini baholaydigan xalqaro 

dastur. TIMSS tadqiqoti ilk marotaba 1995 yilda o‘tkazilgan. TIMSS tadqiqotida 4- va 8-

sinf o‘quvchilari (TIMSS Advanced tadqiqotida esa maktabni bitiruvchi, eng yuqori sinf 

o‘quvchilari)  ishtirok  etishadi.  Tadqiqot  har  4  yilda  bir  marotaba  o‘tkaziladi.  TIMSS 

tadqiqoti  Boston  kolleji  hamda  IEA  (International  Association  for  the  Evaluation  of 

Educational  Achievement  -  Ta’lim  sohasidagi  yutuqlarni  baholash  xalqaro 

assotsiatsiyasi) tomonidan amalga oshiriladi. 

---