Umumiy o'rta ta'lim sifatini oshirish: mazmun, metodologiya, baholash va ta'lim muhiti

UMUMTA'LIM MAKTABLARDA VARIATIV ( O‘ZGARUVCHAN) O‘QUV 

REJASINING YAGONA MILLIY ASOSLARINI YARATISH AHAMIYATI 

 

To‘rayev Inomjon Irgashevich,  

Qashqadaryo viloyati Qarshi tumani 25 -umumiy o‘rta ta’lim maktab o‘qituvchisi 

 

Globallashuv  jarayonida va  raqamli  texnologiyalar  asrida  mamlakatlarning  aqliy 

salohiyatini o‘stirishga yordam beruvchi strategiyalar ta’lim manbalari va ilmiy-tadqiqot 

ishlariga asoslanishini va shu asosda ishlab chiqilishini talab etmoqda. Ta’lim sohasidagi 

siyosatimizning  asosiy  maqsadi-ta’lim  olish  teng  huquqligini  ta’minlashdan  iboratdir. 

Yurtimizda  yoshlarning  ma’naviy  barkamol  qilib  tarbiyalash,  Vatan  oldida  yuksak 

fuqarolik mas’uliyatini his qilish, jamiyat hayotini yurg‘izuvchi kuch sifatida yashashga 

muntazam da’vat etish davlat siyosatlaridan biri bo‘lib kelgan. O‘zbekiston Respublikasi 

Prezidenti Shavkat Mirziyoyev ta’kidlanganidek, “Mamlakatimizning taqdiri va kelajagi 

uchun mas’uliyatni o‘z zimmasiga olishga, bu yo‘lda bor bilim va salohiyatini safarbar 

etishga qodir bo‘lgan, azm-u shijoatli yoshlarni tarbiyalab voyaga yetkazish - biz uchun 

eng  muhim  masaladir”,-  deya  alohida  e’tibor  qaratdilar.  Shu  asosda  umumta’lim 

maktablarida bir qator islohatlar o‘tkazilib kelmoqda.  

O‘zbekiston  Respublikasi  Prezidentining  2019-yil  29-  apreldagi  PF-5712-son 

Farmoni  bilan  tasdiqlangan  O‘zbekiston  Respublikasi  “Xalq  ta’limini  2030-yilgacha 

rivojlantirish konsepsiyasiga” muvofiq O‘zbekiston Respublikasi Xalq ta’limi vazirining 

2020-yil 15-iyunda “Umumiy o‘rta ta’lim maktablarida variativ o‘quv rejalarni tajriba-

sinovdan o‘tkazish bo‘yicha tavsiya to‘g‘risida”gi 144-sonli buyrug‘i imzolandi.  

Ushbu buyruq asnosida Xalq ta’limi tizimidagi umumiy o‘rta ta’lim maktablarida 

variativ o‘quv rejalar ixtiyoriy ravishda joriy qilinadi. 2019-2020-o‘quv yilida variativ 

o‘quv  reja  joriy  etilgan  ayrim  fanlar  chuqur  o‘rganiladigan  davlat  ixtisoslashtirilgan 

---