Umumiy o'rta ta'lim sifatini oshirish: mazmun, metodologiya, baholash va ta'lim muhiti

Jigyu Kenkyu 4 bosqichdan iborat: rejalashtirish, amalga oshirish (sinab ko‘rish), 

baholash, qayta ishlash (tatbiq etish). Ushbu mexanizm qanday amalga oshiriladi? Bitta 

maktab jamoasi misolida ko‘rib chiqish mumkin. 

1.  Rejalashtirish.  Muammoni  belgilash,  hamkorlikda  darsning  batafsil  rejasini 

ishlab  chiqish.  Maktab  o‘qituvchilari  (fan  uslubiy  birlashmasi  a’zolari)  yil  davomida 

o‘rganish  va  yechim  yo‘llarini  topish  uchun  belgilangan  muammo  (masalan,  ta’lim 

jarayonida o‘qituvchi va o‘quvchilar o‘rtasidagi muloqotni rivojlantirish)ni muhokama 

qiladilar, har bir sinfda qo‘llash mumkin bo‘lgan o‘qitish metodlari va mazmunni o‘quv 

dasturlariga  asosan  o‘rganadilar,  dars  rejalarini  takomillashtirish  yo‘llarini  taklif 

qiladilar. 

2.  Amalga oshirish (sinab ko‘rish). O‘quv dasturi bo‘yicha sinov darslarini o‘tish. 

Bu  bosqichda  o‘qituvchilardan  biri  hamkorlikda  ishlab  chiqilgan  reja  bo‘yicha  dars 

o‘tadi, boshqalar esa uni kuzatadilar. Har bir o‘qituvchining o‘z vazifasi bor: kimdir dars 

jarayonini videotasvirga tushiradi, kimdir vaqtni nazorat qiladi, boshqalar kuzatib, tahlil 

qiladilar.  3.  Baholash  (tahlil).  Dars  yakunlangach,  barcha  o‘qituvchilar  to‘planib,  uni 

muhokama qiladilar. Dars davomida kuzatuvchilar dars maqsadining belgilanishi, o‘quv 

materialining mavzuga mosligi, taqdim etish metodlari, o‘qituvchi faoliyati, o‘quvchilar 

xulqi,  o‘qituvchi  va  o‘quvchilarning  muloqoti  va  boshqa  jihatlarni  o‘rgandilar.  Dars 

tahlili yutuq va kamchiliklarni aniqlash imkonini beradi. 

---