Умумий ўрта таълим мактабларида 10-11- синф ўқувчилари билан Ўзбекистон Республикаси Қуролли Кучлари ташкил этилганлигининг йигирма саккиз йиллиги ҳамда 14 январь “Ватан ҳимоячилар куни” байрами муносабати билан машғулот ўтиш

Дастлабки танлов тадбирларини ташқил этиш ва ўтказиш
Дастлабки танлов номзодларнинг яшаш жойидаги мудофаа ишлари бўйича бўлимлари томонидан 1 апрелдан 30 апрелгача ўтказилади.
Номзодларнинг шахсий ҳужжатлар йиғма жилди яшаш жойидаги мудофаа ишлари бўйича бўлимда расмийлаштирилади.
Дастлабки танловда иштирок этиш учун номзодлар мудофаа ишлари бўйича бўлим бошлиғига белгиланган шаклдаги ариза билан мурожаат қилади.
Ариза билан қуйидаги ҳужжатлар такдим этилади:
белгиланган шаклдаги сўровнома;
ўқиш жойи ва маҳалла фуқаролар йиғинидан тавсифнома;
таълим муассасасига кираётган номзоднинг тиббий хулосалар қайд этилган тиббий дафтарчаси (картаси);
намуна асосида ёзилган батафсил таржимаи ҳол;
туғилганлик ҳақидаги гувоҳнома ёки паспорт нусхаси, мудофаа ишлари бўлимларида рўйхатда туриши тўғрисидаги маълумотнома нусхаси;
фанларни ўзлаштириши тўғрисида ўқиш жойидан директор томонидан тасдиқланган маълумотнома;
психоневрологик, силга қарши ва тери-таносил касалликлари диспансерлари, наркологик ва одам иммунитети танкислиги синдромига (ОИТС) қарши курашиш марказларидан берилган маълумотнома, лаборатория текширишлари натижалари (қон ва пешобнинг умумий таҳлили, нажасни гельментологик текшируви, кўкрак қафаси флюорографияси, электрокардиография текшируви (ЭКГ), ультратовуш текшируви (УТТ), эндоскопик эзофагогастроэдуоденоскопия текшируви (ЭФГДС) ҳулосалари) бўйича тиббий маълумотномалар;
номзодга нисбатан жиноий иш юритилмаганлиги, бирламчи тергов ва суриштириш ишлари юритилмаганлиги, судда номзодга нисбатан жиноий иш кўриб чиқилмаётганлиги, жазо чоралари ва амнистия қўлланганидан қатъи назар жиноят содир этилгани сабабли айблов эълон қилинганлиги, номзоднинг ички ишлар органларида рўйхатга олинмаганлиги ҳолатларини тасдиқдовчи маълумотнома;
4 дона 3,5 х 4,5 см ўлчамли ва 6 дона 3 х 4 см ўлчамли рангли фотосуратлар.
Дастлабки танлов давомида қуйидаги ишлар амалга оширилади:
тақдим этилган ҳужжатларни ўрганиш;
номзодлар билан якка тартибда суҳбат ўтказиш; номзодларни дастлабки тиббий кўрикдан ўтказиш.
Дастлабки танлов жараёнида номзодлар билан якка тартибдаги суҳбат мудофаа ишлари бўйича бўлимлар бошлиқлари томонидан Ўзбекистан Республикаси Мудофаа вазирлиги ҳузуридаги Жамоатчилик кенгашининг ҳудудий бўлинмалари вақилларинй жалб этган ҳолда ташқил этилиб, номзод ариза билан мурожаат қилган кундан бошлаб 10 кун ичида ўтказилади.