Умумий қисм

З.Банк омонати шартномаси.
Банк омонати шартномаси - бу банк омонатчидан олган ёки унинг номига учинчи шахсдан келган пул маблағини шартномада кўрсатилган шартлар ва тартибда қайтариш ва улар учун фоизлар тўлаш бўйича мажбуриятларини олиши тўғрисида банк ва омонатчи орасидаги келишувдир. Банк омонати шартномаси омонат суммаси банкка келиб тушган кундан бошлаб тузилган ҳисобланади.
Банк омонати шартномаси ёзма шакдда тузилган бўлиши керак. Агар омонатни қўйилшпи омонат дафтарчаси, жамғарма (депозит) сертификати ёки банк томонидан омонатчига берилган, қонунда, қонунга мувофиқ чиқарилган банк қоидаларида ва банк амалиётида қўлланадиган иш муомаласи одатларида бундай ҳужжатлар учун назарда тутилган талабларга жаваб берадиган бошқа ҳужжат билан тасдикданган бўлса, банк омонати шартномасининг ёзма шаклига риоя қилинган ҳисобланади.
Банк омонати шартномаси қуйидаги шартларни ўз ичига киритиши керак - омонат микдори, тури, қўйиш тартиби ва муддати, фоизларнинг микдори ва тўлаш тартиби, омонатнинг қайтариш тартиби ва муддатлари.
Шартномада бошқача тартиб назарда тутилмаган бўлса, банк талаб қилиб олгунча сакданадиган омонатларга тўланадиган фоизлар микдорини ўзгартириш хуқуқига эга. Банк фоизлар миқдорини камайтирган тақдирда, фоизларнинг янги миқдори фоизлар камайтирилганлиги ҳақида омонатчиларга хабар берилгандан кейин қўйилган омонатларга нисбатан қўлланади. Ушбу хабарга қадар қўйилган омонатларга нисбатан камайтирилган фойизлар микдори тегишли хабар берилган пайтидан бир ой ўтганидан кейин қўлланада, агар шартномада бошқа муддат назарда тутилмаган бўлса.
Муддатли омонатлар бўйича фоизлар микдорини банк томонидан бир томонлама камайтирилиши мумкин эмас.
Банк омонати шартномаси бўйича банк қўйидаги мажбуриятларни ўз зиммасига олади:
1)омонатни сақланишини таъминлаш;
2)омонатчининг биринчи талабига кўра ёки белгиланган муддатдан сўнг ёхуд белгиланган шарт-шароитлар келиб чиқанда омонатни омонатчига қайтариш; 3)шартномада кўрсатилган микдорда ва тартибда омонатдан фойдалангани учун фоизлар тўлаш. Агар шартномада фоизлар кўрсатилмаган бўлса, банк талаб қилингунча сақланадиган омонатларга тўланадиган микдорида фоизлар тўланиши шарт.
Банк фоизларни тўламагани учун ва омонатни қайтармагани учун жавобгарликка тортилади. Банк жавобгарлиги омонат шартномасида кўрсатилган бўлиши мумкин. Агар шартномада банкнинг жавобгарлиги кўрсатилмаган бўлса, у ЎР «Хўжалик субъектлари фаолиятининг шартномавий-ҳуқуқий базаси тўғрисида»ги Қонуни ва Фуқаролик Кодекси нормалари бўйича жавобгарликка тортилади.