Tоshkent «iqtisod moliya»

31. Tovarni jadal taqsimlash quyidagicha amalga oshiriladi:

1. 
   Ixtisoslashgan do‘konlar tarmoqlariga yetkazib berish yo‘li bilan.
   
2. 
   Ommaga mo‘ljallangan ko‘p sonli savdo do‘konlari orqali.
   
3. 
   Tovarni bevosita iste’molchiga yetkazib berish yo‘li bilan.
   
4. 
   Vositachilar orqali.
   

GLOSSARIY
Alohida shaxslar marketingi (ingl. Celebrity marketing) — konkret shaxslarga nisbatan pozitsiya va xulq-avtorni yaratish, saqlab turish yoki o‘zgartirish uchun kompaniya tomonidan amalga oshiriladigan marketing sa’y-harakatlari. Qoida tariqasida, bunday odamlar mashhur kishilar, siyosiy liderlar, taniqli jamoat arboblaridan iborat.
Ansoff matritsasi — marketing strategiyalari va kompaniyaning umumiy tijorat strategiyalari o‘rtasidagi aloqadorlikni o‘rganishda foydalaniladigan format — to‘rtta yacheykadan iborat bo‘lib, bozor shaffofligi, bozor rivojlanishi, mahsulot rivojlanishi va diversifikatsiya aks etstiriladi.

Benchmarking — oddiy faoliyatning barcha turlarini baholash, o‘lchash va tizimlashtirishda qiyosan olinuvchi samaradorlik, sifat yoki afzallik standartlari. Masalan, ko‘pchilik tashkilotlar uchun benchmarking mijozlar bilan o‘zaro munosabatlarni boshqarish strategiyasining hal qiluvchi konsepsiyalaridan biridir. Mijozlar bilan o‘zaro munosabatlarni boshqarish umumiy ko‘rinishda marketing reklama kampaniyalarini o‘tkazish, sotuv va xizmat ko‘rsatish funksiyalari, shuningdek, benchmarkingni tatbiq etishga yordam beruvchi texnologiyani o‘z ichiga oladi.
Bozor - ma’lum bir tovar yoki xizmat sotuvchi (yetkazib beruvchi) va xaridorni (talab egasi) bir joyda kesishtiruvchi institut yoki mexanizm.
Bozorda brend ulushi (ingl. brand - share) — muayyan davrda muayyan bozorda ma’lum bir mahsulot foizlarda qanday ulushni egallab to‘rganini namoyon etuvchi.
Bozorni segmentlash strategiyasi — bozor segmentlari (iste’molchilar guruhlari) sohasida qaror qabul qilish, marketing rejasini va uning alohida metodlarini ishlab chiqish, tovarlarning raqobatbardoshligini oshirishga mo‘ljallangan marketing faoliyati natijalarini ifodalovchi termin.