Toshkent farmatsevtika instituti dori turlari texnologiyasi kafedrasi dori turlari texnologiyasini rivojlantirish istiqbollari

1. Dori vositalarini turg‘unligiga ta’sir etuvchi omillar

Dorilar turg‘unligi bu preparatni ma’lum vaqt davomida, farmakopeya yoki MTX da ko‘rsatilgan fizik-kimyoviy, mikrobiologik xossalarini o‘zgartirmaslik va farmakologik faolligini saqlab qolish xususiyati.

Xozirda dorilarni turg‘unligini ta’minlash g‘oyat muxim, dolzarb va kompleks texnologik masala hisoblanadi, chunki 90% ga yaqin dori moddalar alohida texnologik usullar yoki turg‘unlashtiruvchilarni qo‘llashni talab etadi.

Dorilar turg‘unligi bog‘liq:

• 
  Saqlash haroratiga;
  

• 
  Jixozlanishiga;
  

• 
  Tashqi muhitga (yorug‘lik, namlik);
  

• 
  Tayyorlanish usuliga;
  

• 
  Yоrdamchi moddalarga;
  

• 
  Dori shakliga (agregat holati).
  

Dorilar turg‘unligi

Fizikaviy Kimyoviy Mikrobiologik

Dorilarni turg‘unlashtirishning asosiy prinsipi dorilarni xossalarini o‘zgartiruvchi omillarni maksimal bartaraf etish.

Dori turlarini turg‘unlashtirish –kompleks ( murakkab) muammo bo‘lib, uni echilishi:

1. Dispers sistemalarni turg‘unligini ( asosan emulsion va suspenzion);

2. Dorivor moddani ( kimyoviy birikmalarni) turg‘unligini;

3. Mikrobiologik turg‘unlik masalalarini o‘rganishni talab etadi.

Yuqoridagi tasnifdan kelib chiqqan xolda dorilar turg‘unligini ta’minlash masalasini echishda quyidagi usullarni belgilash mumkin:

1. Fizik usulda turg‘unlashtirish

2. Kimyoviy usullar. Maxsus yordamchi moddalarni dori shakliga kiritish ( konservantlar, antioksidantlar).

3. Kompleks usullarda.