Toshkent davlat yuridik universiteti

Tekshiruvlar muddatlari 
Tadbirkorlik subyektlari faoliyatini tekshirishni o‘tkazish muddatlari 
o‘ttiz kalendar kundan oshmasligi lozim. Alohida hollarda maxsus 
vakolatli organning qaroriga binoan bu muddat uzaytirilishi mumkin, 
bunda ushbu qoida kichik tadbirkorlik subyektlariga nisbatan tatbiq etilishi 
mumkin emas. 
Tekshirishni 
o‘tkazish 
uchun 
asos 
bo‘ladigan 
hujjatlar 
tekshirilayotgan tadbirkorlik subyektiga tilxat olingan holda topshirilgan 
payt tekshirishni o‘tkazish boshlangan payt hisoblanadi. Tekshirilayotgan 
tadbirkorlik subyektining mazkur hujjatlarni olishdan bosh tortganligi 
tekshirishni bekor qilish uchun asos bo‘lmaydi.
Tekshirilayotgan tadbirkorlik subyekti mazkur hujjatlarni olishdan 
bosh tortgan taqdirda nazorat qiluvchi organning mansabdor shaxsi 
tomonidan uning o‘zi va tekshirilayotgan tadbirkorlik subyekti 
imzolaydigan dalolatnoma tuziladi.
Tekshirilayotgan 
tadbirkorlik 
subyekti 
mazkur 
dalolatnomani 
imzolashdan bosh tortganda dalolatnomaga tegishli yozuv kiritiladi. Bu 
holda dalolatnoma imzolangan payt tekshirishni o‘tkazish boshlangan payt 
hisoblanadi. 
Tekshirish natijalari to‘g‘risidagi dalolatnoma (maʼlumotnoma) 
tekshirilayotgan tadbirkorlik subyektiga topshirilgan kun tekshirishni 
o‘tkazish tugagan kun hisoblanadi. Tekshirilayotgan tadbirkorlik subyekti 
teshirish natijalari to‘g‘risidagi dalolatnomani (maʼlumotnomani) olishdan 
bosh tortganda nazorat qiluvchi organning mansabdor shaxsi bu haqida 
tekshirish natijalari to‘g‘risidagi dalolatnomaga (maʼlumotnomaga) 
tegishli yozuv kiritadi va shu paytdan e’’tiboran tekshirish tugagan 
hisoblanadi. Bu holda tekshirish natijalari to‘g‘risidagi dalolatnomaning 
(maʼlumotnomaning) bir nusxasi tadbirkorlik subyektiga pochta orqali 
buyurtma xat bilan yuboriladi.