Toshkent davlat yuridik universiteti shaxsiy rivojlanish

ESLAB QOLING!
Bunday yondashuvni amalda sinab ko‘rish uchun barcha ishlar va 
yig‘ilishlar ro‘yxatini tuzish va quyidagi uchta savolga javob berish 
kifoyadir: 
1.
 
Shu ish aynan men uchun qanchalik muhim? Uni bajarishdan 
to‘xtasam, nima bo‘ladi? 
2.
 
Bu ishni bajarishi mumkin bo‘lgan inson faqat menmi? Uni 
tashkilotdagi boshqa bir xodim bajarishi mumkinmi? 
3.
 
Qanday qilib xuddi shunday natijaga tezroq erishish mumkin? 
Vaqtim kam bo‘lganida bu ishni qanday bajargan bo‘lardim? 
Yuqoridagi savollarni qo‘yish orqali muqobil variantlarni topish, u
orqali esa kundalik rejalarni amalga oshirishga to‘sqinlik qiluvchi 
omillarni bartaraf etish mumkin. Ammo, unutmaslik shartki, maqsadga 
erishishning asosi, baribir, harakatda. To‘xtab qolish yoki maqsaddan 
chetga og‘ish muvaffaqiyatsizlikka olib keladi.
“Uch Harvard savoli” to‘liq rad etish yoki boshqa bir xodimga 
yuklash mumkin bo‘lgan nisbatan ahamiyatsiz vazifalarni aniqlash, 
shuningdek, muhim ishlarni bajarishning eng samarali usullarini topish 
imkonini beradi. 
Shu bilan bir qatorda, inson o‘z maqsadini “moddiylashtirishi” ham 
uni amalga oshirishga xizmat qilishi mumkin. “Moddiylashtirishni” 
anglab yetish uchun quyidagi hikoyaga e’tibor qaratish kerak. 

---

38 
SUG‘URTACHI HIKOYASI 
 
Bu voqea o‘tgan asrning 80-yillarida AQSHda ro‘y bergan. Robert 
Parker ismli bir sug‘urtachi Vashington shahrida turmush o‘rtog‘i bilan 
ijarada istiqomat qilar edi. Robertning maoshi kam bo‘lishiga qaramasdan, 
katta orzular qilishni yaxshi ko‘rardi. U har kun tongda uyg‘onishi bilan 
ko‘zgu yoniga kelib, qizil rangdagi “Ferrari” rusumli mashina rasmiga 
termilar va kelajakda, albatta, unga egalik qilishiga ishonar edi.
Ammo uning turmush o‘rtog‘i Juana Robertga uning orzusi hech 
qachon ro‘yobga chiqmasligini, undan ko‘ra, turur-joy sotib olish haqida 
o‘ylash kerakligini aytib, har kuni mashina rasmini ko‘zgudan olib javonga 
uloqtirardi. 
Robert turmush o‘rtog‘ining qarshiliklariga qaramasdan, baribir, har 
tong yoqimli ishini takrorlayverdi. 
Oradan ikki yil o‘tgach, tushlik uchun ovqat tayyorlayotgan Juana 
uning uyi yonida kimdir tinmay mashina signalini chalayotganini eshitib, 
dakki berish uchun tashqariga shoshadi. Qarasaki, Robert qizil rangdagi 
“Ferrari” mashinasida qora ko‘zoynak ostidan unga kulib qarab turibdi.
Keyingi tong Robert uyqudan uyg‘onib kelib ko‘zguga qarasa, unga 
qimmatbaho shuba rasmi yopishtirilganmish...