Тошкент давлат юридик университети фуқаролик ҳУҚУҚИ дарслик II қисм

Назорат учун саволлар:

1. Маҳсулот етказиб бериш шартномаси ўзининг мураккаблиги, тузилишида ўзига хос тартиботга бўйсуниши, шартнома тузиш ва бажариш муддатларининг алоҳида қоидаларга амал қилиши билан ажралиб туради. Маҳсулотет казиб бериш шартномасини тузиш тартиби ва муддатлари билан турдош шартномалардан нимаси билан фарқ қилади?

2. Маҳсулот етказиб бериш шартномасини бузганлик учун жавобгарлик қоидалари бир вақтнинг ўзида ФК ва жорий қонунларда белгиланган. Айтингчи, бу борада Фк ва жорий қонунлар ўртасидаги нисбат қандай, Маҳсулот етказиб бериш шартномаси учун қандай жавобгарлик чораларини қўллаш маъқулроқ. Бу борада мамлакатимизда амалга оширилган энг муҳим ислоҳотларнинг мазмун-моҳияти нималардан иборат эди?
3. Академик лицей акциядорлик жамияти билан тузган шартномага кўра, АЖ 1 августгача синфхоналарга ўрнатиш учун АҚШда ишлаб чиқарилган 15 та компьютер етказиб бериши керак эди. АЖ ўз мажбуриятларини бажармади ва лицей унга нисбатан шартномада назарда тутилган етказиб берилмаган товарлар миқдори­нинг 4% миқдорида неустойка тўлаш тўғрисидаги даъво қўзғатди. Низони кўриш жараёнида тарафлар ўртасида тузилган шартномада етказиб берилиши керак бўлган компьютерларнинг аниқ маркаси, конфигурацияси ва комплекти кўрсатилмаганлиги, шунингдек улар­нинг сифатига бўлган талаб ва уларни белгилаш тартиби ўрнатилма­ганлиги аниқланди. Шартномада, шартноманинг предмети ва еткази­лиши лозим бўлган товар тўғрисидаги шартлар бўлмаганлиги туфай­ли иқтисодий суд шартномани тузилмаган деб ҳисоблади ва даъвони рад этди.
Шартнома тузилмаган деб ҳисобланганда қандай ҳуқуқий оқибат вужудга келиши мумкин? Иқтисодий суднинг қарори тўғрими?
4. Қандолатчилик комбинати иқтисодий судга завод билан комбинат ўртасида тузилган ун етказиб бериш тўғрисидаги шартномага ўзгартириш киритиш тўғрисида даъво аризаси билан мурожаат қилди. Сотиб олувчи даъво аризасида шартномада назарда тутилган ўзига етказиб бериши керак бўлган уннинг миқдори кам чиққанда ёки сифати лозим даражада бўлмаганда, комбинат томонидан чақирилган завод вакили келмаган ҳар бир ҳолат учун санкция белгиланишини таклиф қилди, иқтисодий суд даъвогарнинг талабини қаноатлантирди ва уннинг миқдори тежалишига асос бўлади деган мақсадда шартномага завод вакилининг ҳар бир келмаган ҳолати учун жарима белгилаш тўғрисидаги шартни киритди.
Маҳсулот етказиб бериш шартномасида қўшимча санкциялар ўрнатиш тартиби қандай? Иқтисодий суд тўғри қарор чиқарганми?