Тошкент -2011 Қосимова М. С., Юсупов М. А., Эргашходжаева Ш. Д. Маркетинг. Дарслик. – Т.: Тдиу, 2010. 287 б

ҚИСҚА ХУЛОСАЛАР

Тор маънода маркетинг дастури (бизнес режа) ҳужжат бўлиб, корхонанинг бозорда аниқ фаолият кўрсатиш тамойилини ифодалайди. Маркетинг дастури кенгроқ маънода эса корхона имкониятларини бозор талабларига мослаштиришга йўналтирилган таҳлил, режалаштириш ва назорат қилиш жараёни деб қаралади. Маркетинг дастурлари қисқа муддатли(бир йилгача), ўрта муддатли (5 йилгача) ва узоқ муддатли (10 йилгача ва ундан кўпроқ) бўлади. Улар умумий шаклда ёки корхонанинг махсус фаолиятларига мўлжалланган бўлиши мумкин.

Маркетинг дастури бу корхонани умумхўжалик фаолиятини директив режасини тузиш учун стратегик тавсияномадир ва юқори бошқариш бўғини учун қарор қабул қилишни асосидир.
Худди шундай дастурни намунавий тузилиши қуйидаги бўлимларни ўз ичига олади:

• 
  мақсадли бозор (сегмент)ни ривожланишини башорат қилиш;
  
• 
  мақсадли бозорга нисбатан фирманинг умумий стратегияси;
  
• 
  товар сиёсати;
  
• 
  коммуникация сиёсати;
  
• 
  сотиш сиёсати;
  
• 
  нарх сиёсати;
  
• 
  маркетинг комплексини амалга ошириш учун харажатларни молиялаштириш манбалари ва бюджет;
  
• 
  дастурнинг амалга оширилишини назорат қилиш.
  

Назорат ва мулоҳаза учун саволлар

1. 
   Маркетинг дастури деганда нимани тушунасиз?
   
2. 
   Маркетинг дастурини ишлаб чиқиш кетма-кетлиги нимадан иборат?
   
3. 
   Маркетинг режасини асосий бўлимларини мазмуни нимадан иборат?
   
4. 
   Маркетинг дастурини қандай турларини биласиз?
   
5. 
   Мақсадли дастур деганда нимани тушунасиз?
   
6. 
   Бостон - консалтинг гуруҳи матрицасини мазмунини изоҳлаб беринг.
   
7. 
   Маркетинг дастурини коммуникация сиёсати бўлимида нималарга эътибор қаратилган?
   
8. 
   Маркетинг режаси ва маркетинг дастури ўртасидаги фарқ нимадан иборат?