Til va adabiyot fanlari tavsifi

Ertaga yangi kun boshlanadi! (tushkun kayfiyatni yengish, yiqilish magʻlubiyat degani emasligini tushuntirish)
Ruhiyat bilan bog‘liq til birliklari, ularning talaffuzi va imlosi. Berilgan matnlar tarkibidan shunday birliklarni ajrata olish. Ushbu birliklarning ma’nolarini izohlash, nutqda ulardan foydalana olish bilan bog‘liq mashq va topshiriqlar.
Qo‘shma gaplar uslubiyati. Qo‘shma gap turlarining mazmunni yuzaga chiqarish darajasiga ko‘ra turli uslublarda qo‘llanilishi.
“Yaxshi kayfiyatning uch siri” mavzusida bahslashish, xulosa chiqarish, nutq ifodasida qo‘shma gap turlaridan o‘rinli foydalanish. Nutqni ibora, maqollar bilan boyitish.
Shuning uchun, shu sababli, shu tufayli kabi birikmalar yordamida sabab mazmunini yuzaga chiqarish. Tinish belgisining qo‘llanishi.
“..., shuning uchun hayot go‘zal” jumlasini to‘ldirish, fikrlar xilma-xilligini tahlil qilish, yashash uchun motivatsiya olish.
Gapni qolip bilan ifodalash. Qo‘shma gaplarda shart va payt mazmunini ifodalashning yana bir usuli. Shart mayli yordamida ergashgan qo‘shma gaplar. Tinish belgisining qo‘llanishi.
Tengdoshlariga motivatsiya beruvchi murojaat matni tayyorlash. Bunda “Men “Qizil kitob”ga kiritishni xohlagan tuyg‘ular” mavzusida matn yaratish, bahslashish, o‘z fikriga dalillar keltirish. Nutqda bog‘langan qo‘shma gapdan o‘rinli foydalanish.