Тиббиётда ахборот технологиялари rtf

2
I. Ўқув фанининг долзарблиги ва олий касбий таълимдаги ўрни
Ўзбекистон Республикаси Президентининг «Таълим - тарбия ва кадрлар тайёрлаш тизимини тубдан ислоҳ қилиш баркамол авлодни вояга етказиш тўғрисида»ги Фармони, Ўзбекистон Республикасининг «Таълим тўғрисида» ги Қонуни ва Кадрлар тайёрлаш миллий дастурини ҳаётга тадбиқ этиш – давлат сиёсатининг устивор йўналишларидан бири бўлиб, кадрлар мамлакатимизни иқтисодий равнақини таъминлашда ҳал қилувчи рол ўйнаши ҳисобга олинган.
Ҳар томонлама камол топган юксак маънавиятли шахсни тарбиялаб етиштиришда, унинг илмий дунёқарашини шакллантиришда муҳим рол ўйновчи фан “Тиббиётда ахборорт технологиялари” фанининг ушбу дастури жамиятнинг асосий негизи, унинг таркибий қисмлари, ахборотлашган жамиятнинг қонун ва категориялар, ахборий ҳодиса ва жараёнларнинг моҳияти, ижтимоий-иқтисодий ахборот тизимлар ва уларнинг амал қилиш қонуниятларини қамраб олган. Хусусан, мазкур фаннинг аҳамияти кейинги йилларда жаҳонда рўй бераётган иқтисодий жиҳатдан ривожланиш ва глобаллашув шароитида жаҳон иқтисодий ва соғлиқни сақлаш тизимида тўлақонли шериклик асосида ўз ўрнига эга бўлиш, фаолиятимизнинг барча жабҳаларида ахборот-коммуникация технологияларидан кенг фойдаланишни талаб қилиш ва бу борада эришилаётган ютуқлар орқали ҳам яққол намоён бўлади.
Ушбу дастур тиббиёт таълим тизимида тахсил олаётган талабалар учун тиббиёт масалаларини ечишда, даволаш, тиббий профилактика ишларини олиб боришда ва илмий-амалий фаолиятни олиб боришда, ахборот технологияларидан тўғри ва кенг кўламда фойдалана оладиган кадрларни тайёрлашда алоҳида ўрин тутади. Шу нарсани қатъий айтиш мумкинки, ҳозирги кунда тиббиёт таълим тизимида компьютер, ахборот технологияларнинг ўрни беқиёс каттадир. Шунинг учун ҳам келажакда замон талабига жавоб бера оладиган мутахассис бўлишини истовчи ҳар бир талаба замонавий компьютерлардан эркин фойдалана олишлари, амалий дастур пакетларидан ишлашни билишлари ҳамда назарий билимларини симулятор ва тренажерлардан фойдаланиб оширишлари шарт. Бундай имкониятга талабалар «Тиббиётда ахборорт технологиялари» фанини чуқур ва мукаммал ўзлаштириш орқалигина эга бўлишлари мумкин.