Теплоэнергетика 10

Иссиқлик узатиш жараёнларини жадаллаштириш усуллари

• Изобарик-изотермик шароитларда компонентларнинг муҳит ҳажми бўйича тенг тақсимланиши химиявий потенциал таъсирида рўёбга чиқади.
• Химиявий потенциал деб тизимнинг кўрилаётган фазасида берилган компонент массасининг бир бирликка ошишидан ички энергиянинг ўсишига айтилади, бунда энтропия, ҳажм ва масса фазанинг қолган барча компонентлар учун ўзгармас бўлиб қолади. Бир фазали муҳитда компонентлар нотекис тақсимланган бўлса химиявий потенциал майдони бир жинсли эмас ва муҳитда алоҳида компонентлар концентрациялари ўз-ўзидан тақсимланиши жараёнлари пайдо бўла бошланади.

Иссиқлик узатиш жараёнларини жадаллаштириш усуллари

• Масса алмашинуви деб бир жинсли бўлмаган химиявий потенциал майдонли фазода берилган компонент массасининг (оддий ҳолда концентрациянинг бир жинсли бўлмаган майдони ёки шу компонентнинг парциал босими) ўз-ўзидан қайтмас жараён бўйича кўчишига айтилади.
• Масса кўчиши битта фаза оралиғида ёки бир фазадан бошқасига кўчишида содир бўлади. Ажратувчи юза орқали ёки икки модда орасидаги ўтказувчан девор орқали ёки фазалар орасида масса алмашинуви масса узатиш дейилади. Масса узатилишида бир фазадан бошқасига ўтувчи модда тақсимланган модда ёки мақсадли компонент номи билан аталади. Масса алмашинувида иштирок этадиган фазаларни ажратадиган юза масса алмашинуви юзаси дейилади.

иссиқлик-масса алмашинуви

• Масса алмашинуви жадаллиги ифодаси учун масса оқими ва масса оқими зичлиги тушунчалари ишлатилади. Аралашмада берилган компонент массаси оқими деганда унинг вақт бирлигида ихтиёрий юзадан ўтаётган массаси тушунилади. Агар модда массаси кг да, вақт секундда ифодаланса, масса оқими ўлчов бирлиги кг/с бўлади. Юзанинг бирлик майдонига келтирилган масса оқими масса оқими зичлиги дейилади. Модда массаси кг да, вақт с да, оқим ўтадиган юза майдони м2 да ифодаланса, масса оқими зичлиги ўлчов бирлиги кг/(м2 с) бўлади. Масса оқими ва масса оқими зичлиги ҳам скаляр, ҳам вектор шаклида ифодаланиши мумкин. Масса оқими зичлиги вектори вектор сифатида унинг проекцияси ихтиёрий йўналишда олинган жойдаги масса оқими зичлиги бўлиб, танланган йўналишга перпендикуляр юза орқали ўтади.
• Муҳитдаги компонентлар концентрациялари оний қийматлари йиғиндиси концентрацияланган майдон дейилади: С = С (х,у,z). У бир жинсли бўлиши мумкин [кўрилаётган вақт моментида компонент концентрацияси фаза ҳажми бўйича ўзгармас: С (х,у,z) |τ = const] ва, тескариси, бир жинсли бўлмаган [С (х,у,z) |τ = var] , шу билан бирга турғун (вақт бирлигида ўзгармас) ёки турғун бўлмаган (вақт бирлигида ўзгарувчан). Бир жинсли бўлмаган бир хил концентрацияга эга майдондаги нўқталар йиғиндиси изоконцентрациялашган юзани ташкил қилади.