Tema-1 «Salıqlar h’a’m salıqqa tartıw» arnawlı kursın oqıtıwdın’ za’ru’rligi, maqseti h’a’m wazıypaları O’zbekstan Respublikası salıq sisteması h’a’m salıq qatnasıqları subektlerinin’ h’uqıq h’a’m de minnetlemeleri. Rejesi

Aktsiz markaları.

Temeki o’nimlerin h’a’m alkogolli ishimliklerdin’ islep shıg’arılıwı, import etiliwi, saqlanıwı, tasılıwı h’a’m satılıwı u’stinen ma’mleketlik qadag’alawdı ornatıw, sonday-aq aktsiz salıg’ının’ tolıq o’ndiriliwi, ko’rsetilgen tovarlardı jasırınsha islep shıg’arıw yaki O’zbekstan Respublikası aymag’ına alıp keliwdin’ aldın alıw maqsetinde O’zbekstan Respublikası Ministrler Kabinetinin’ 1996-jıl 19-avgustdag’ı 285-sanlı «O’zbekstan Respublikası aymag’ına temeki o’nimlerin h’a’m alkogolli ishimliklerge aktsiz markaların engiziw ta’rtibi tuwrısında»g’ı qararına muwapıq 1996-jıl 1-oktyabrden baslap O’zbekstan Respublikasında islep shıg’arılatug’ın h’a’m onın’ aymag’ına alıp kelinetug’ın temeki o’nimlerin h’a’m alkogolli ishimliklerdi, pivodan tısqarı, ma’jbu’riy tu’rde belgilengen u’lgidegi aktsiz markaları menen markalaw engizildi h’a’m olardı aktsiz markaların jabıstırmastan O’zbekstan Respublikası aymag’ına alıp keliw, tasıw (xalıq-aralıq tranzitden tısqarı), saqlaw h’a’m satıw qadag’an etilgen.
Aktsiz markaların basıw ushın buyırtpanı «Ma’mleketlik belgi» Ma’mleketlik islep-shıg’arıw birlespesine (MİShB) tapsırıwdı O’zbekstan Respublikası Ma’mleketlik salıq komiteti a’melge asıradı.
Respublikag’a ko’rgizbeler o’tkiziw ushın alıp kelingen aktsiz tovarları, olar ko’rgizbeden keyin O’zbekstan Respublikası aymag’ında satılg’an taqdirde, O’zbekstan Respublikasının’ aktsiz markaları menen ma’jbu’riy tu’rde markalanıwı kerek h’a’m olar boyınsha ulıwma belgilengen ta’rtipte aktsiz salıg’ı to’lenedi.
Aktsiz markaları islep shıg’arılatug’ın h’a’m import qılınatug’ın aktsiz tovarlarının’ tu’rlerine qaray h’a’ripli h’a’m tsifrli raqamlı belgiler menen markalanadı h’a’mde to’mendegi tu’rlerge bo’linedi:
-IM- o’nim O’zbekstan Respublikası aymag’ına import boyınsha alıp kelingen;
-QZ- o’nim O’zbekstan Respublikası aymag’ında islep shıg’arılg’an;
-98-da’slepki eki belgi aktsiz markası basıp shıg’arılg’an jıl;
-01 yaki 001 keyingi eki yaki u’sh belgi islep shıg’arıwshı ka’rxanalarg’a (importshılarg’a) tiyisli temeki o’nimi yaki alkogolli ishimlik boyınsha beriletug’ın kod raqamları;
-4 raqam belgisi aktsiz markalarında temeki o’nimlerin bildiredi;
-5 raqam belgisi aktsiz markalarında alkogolli o’nimlerdi bildiredi;
-98 benen tamamlanatug’ın aqırg’ı raqamlar O’zbekstan Respublikası aymag’ına aktsiz tovarları mayda seriyalarda (partiyalarda) alıp kelingenligin an’latadı;
-99 benen tamalanatug’ın aqırg’ı raqamlar (musodara qılıng’an) konfiskatsiyalang’an aktsiz tovarların an’latadı.