Tuzuvchi: A. Vaisov
Taqrizchi: T. Abdullayev
Ushbu Ishchi dastur “Ijtimoiy iqtisodiy fanlar metodikasi” kafedrasining 2019 yil 3 yanvar 1-sonli yig’ilishida muhokama etilib, UrDU huzuridagi XTXQTMOXM ning 2019 yil 3 yanvardagi 1-sonli ilmiy-metodik kengash qarori bilan tasdiqlandi.
Kirish
O‘zbekiston Respublikasi Prezidentining 2018 yil 5 sentyabrdagi “Xalq ta’limini boshqarish tizimini takomillashtirish bo‘yicha qo‘shimcha chora-tadbirlar to‘g’risida”gi PF-5538 farmonida rahbar va pedagog xodimlarni tanlash, tayyorlash, qayta tayyorlash va malakasini oshirishning ilg’or va shaffof tashkiliy-huquqiy mexanizmlarini tatbiq etish yo‘li bilan xalq ta’limi tizimida kadrlar siyosatini shakllantirishning zamonaviy tamoyillarini joriy etish vazifalari belgilab berilgan.
SHu bilan birga, O‘zbekiston Respublikasi Prezidentining 2018 yil 5 sentyabrdagi “Xalq ta’limi tizimiga boshqaruvning yangi tamoyillarini joriy etish chora-tadbirlari to‘g’risida”gi PQ-3931-sonli qaroriga muvofiq, mazmun va sifat jihatidan xalqaro talablarga javob beradigan, ilg’or pedagogik va axborot-kommunikatsiya texnologiyalarini qo‘llagan holda yangilangan o‘quv rejalari va dasturlariga muvofiq ishlab chiqilgan o‘quv va o‘quv-metodik adabiyotlarning yangi avlodini tayyorlash va nashr etishni tashkil qilishni taqazo etadi.
Dastur mazmuni O‘zbekiston Respublikasi Prezidentining asarlari va ma’ruzalarida jamiyat rivoji hamda ta’lim-tarbiya masalalari, xalq ta’limining huquqiy-me’yoriy asoslari va qonunchilik normalari, ta’lim−tarbiya texnologiyalari, boshqaruv psixologiyasi, amaliy xorijiy til, ta’lim jarayonlarida axborot-kommunikatsiya texnologiyalarini qo‘llash, o‘quv-tarbiya ishlari bo‘yicha direktor o‘rinbosarlarini o‘qitishda ilg’or tajribalar va innovatsiyalar, ta’lim muassasalarida o‘quv jarayonlarini boshqarishning zamonaviy usullarini o‘z ichiga olgan holda, ular bo‘yicha tegishli bilim, ko‘nikma, malaka va kompetentsiyalarni rivojlantirishga yo‘naltirilgan.
Dastur doirasida berilayotgan mavzular xalq ta’limi tizimi pedagog kadrlarini qayta tayyorlash va malakasini oshirish mazmuni, sifati va ularning tayyorgarligiga qo‘yiladigan malaka talablari va o‘quv rejasi asosida shakllantirilgan bo‘lib, ma’naviy-ma’rifiy ishlar bo‘yicha direktor o‘rinbosarlarini tayyorlashda zamonaviy ta’lim va innovatsion texnologiyalar, ilg’or xorijiy tajribalardan foydalanish, axborot-kommunikatsiya texnologiyalarini o‘quv jarayoniga keng tatbiq etish darajasini oshirish hisobiga ularning ta’lim-tarbiya jarayonlarini boshqarish bo‘yicha kasb mahorati va kompetentsiyalari rivojlantiriladi.
Do'stlaringiz bilan baham: |