Таълим тизимида 2021 йил якуни билан, мактабгача таълим қамровини 65 фоиз

24. 2021 йилдан бошлаб, жорий этиладиган “бир суд – бир инстанция” тамойили, суд қарорларининг адолатли, қонуний ва барқарорлигини таъминлашда, бош мезон бўлиши лозим.
25. 2021 йилдан бошлаб, бир-бирини такрорлайдиган суд босқичлари қисқартирилади. Одил судловга хос бўлмаган ишларни, назорат тартибида кўриш амалиёти бекор қилинади.
26. 2021 йилдан бошлаб, фуқаролик, иқтисодий ва жиноят ишлари бўйича вилоят даражасидаги 3 та судлар, битта суд сифатида бирлаштирилади.
27. 2021 йилдан, суд муҳокамасига қадар, судда ишларни дастлабки эшитиш амалиёти, янги тартиб сифатида жорий этилади. Бунда, ишни тўхтатиш ёки тугатишга асос етарли бўлса, суд ишни аввалгидай тергов ёки прокурорга қайтармасдан, ўзининг якуний қарорини қабул қилади.
28. инвесторлар ҳуқуқларини муносиб ҳимоя қилиш мақсадида, Олий судда инвестициявий низолар ва рақобатга оид ишларни кўриш бўйича, махсус судлов таркиби ташкил этилди.


29. 2021 йили Тошкентда минтақамизнинг Жанубий Осиё билан муносабатларига бағишланган, юқори даражадаги халқаро конференция ўтказилади.
30. Асосий хорижий шерикларимиз ҳисобланган Россия, Хитой, Америка Қўшма Штатлари, Туркия, Германия, Франция, Буюк Британия, Жанубий Корея, Япония, Ҳиндистон, Покистон, Бирлашган Араб Амирликлари ва бошқа қатор давлатлар билан кўп қиррали ва ўзаро манфаатли алоқаларни янада кенгайтирамиз.
31. 2021-2022 йилларда, Ўзбекистоннинг Шанхай Ҳамкорлик Ташкилотига раислик қилиши бўйича ҳам, жиддий тайёргарликни бошладик.
32. 2021 йилда, Бирлашган Миллатлар Ташкилоти шафелигида “Инсон ҳуқуқлари бўйича таълим” глобал форуми, Ёшлар ҳуқуқларига бағишланган Бутунжаҳон ёшлар анжумани, Диний эркинлик масалалари бўйича минтақавий конференцияларни ўтказамиз.
33. Дунёнинг кўплаб мамлакатларидаги ватандошларимизни қўллаб-қувватлаш ва улар билан алоқаларимизни янада мустаҳкамлаш мақсадида, “Ватандошлар” жамғармаси тузилади.