Tabiiy fanlari fakulteti

Aluminiyning ishlatilishi. Aluminiy yengilligi, pishiqligi, korroziyaga barqarorligi va shunga o'xshash ajoyib xossalari tufayli xalq xo'jaligining turli tarmoqlarida keng ishlatiladi. Aluminiyning qo-tishmalari ichida duraluminiy deyiladigan birikmasi (Al —95%, Cu — 4%, Mg, Mn, Fe, Si — 0,5 %) samolyotsozlikda ishlatiladi. Undan tashqari, aluminiy kabellar va elektr simlar tayyorlashda ham ishlatiladi. Aluminiydan mashinasozlikda, turli detallar olishda va kislotaga nisbatan barqarorligidan foydalanib, nitrat kislota tashila-digan idishlar tayyorlashda foydalaniladi. Bulardan tashqari, alu-miniydan avtobus, trolleybus va vagonlarning qobiqlari, o'rindiq va tutqichlar, zanglamasligi tufayli idish-tovoq tayyorlanadi. Ke-yingi vaqtlarda temir buyumlarni korroziyalanishdan saqlash uchun ularning sirti aluminiyli bo'yoqlar bilan qoplanmoqda. Alu­miniy kukuni metallurgiyada xrom, marganes, vanadiy va boshqa metallarni ularning oksidlaridan qaytarishda keng qo'llaniladi. Texnikada bu jarayonni aluminotermiya deb ataladi.