Strategik marketing

1.4. Marketingni ustuvor rolining o‘zgarishi 
 
Bozor  raqobati  sharoitida  kommunikasiya  va  ayirboshlashni  amalga  oshirish 
nuqtai  nazaridan  qaraganda,  hozirda  kuzatilayotgan  yuksalishga  qaramay,  marketing 
faoliyatining yangi turi emasligi shubhasizdir, chunki u har doim ham mavjud bo‘lib 
kelgan va erkin ayirboshlashga asoslangan har qanday tuzimda ham u yoki bu tarzda 
ko‘rib chiqilgan vazifalarni o‘z ichiga oladi. 
Firmaning  marketing  funksiyasini  barpo  etish,  so‘ngra  uni  kuchaytirish 
zaruratining  yuzaga  kelishiga  texnologik,  iqtisodiy  va  raqobat  muhitlarining 
murakkabligi  sabab  bo‘ldi.  Marketingning  bugungi  kundagi  rolini  yaxshiroq  anglab 
olish  uchun  ushbu  evolyusiyaning  tarixini  ko‘rib  chiqish  qiziqarlidir.  Bu  erda  uch 
bosqichni  ajratib  olish  mumkin,  ularning  har  biri  marketingning  ustuvor  maqsadi 
bilan tavsiflanadi: passiv marketing; tashkiliy marketing; faol marketing.