Социология фанидан глоссарий Аномия

Фараз – эмпирик тадқиқотнинг асоси сифатида олға сурилаётган ғоя ёки тахмин.
Қўшилиб кузатиш – тадқиқотчининг узоқ вақт давомида объект билан социал муҳит таркибига кириб, уни мунтазам тарзда кузатиши.


Методология - фаннинг алоҳида бир бўлими бўлиб, у билиш жараёнининг муракабблиги ва турли-туманлигини тадқиқ қила бориб, билимнинг тамойиллари, шакллари ва методлари ишлаб чиқиш билан шуғулланади.
Тасвирловчи методология - социологиядаги билишнинг бошқа асосларидан келиб чиқади. Шундай асос деб, у тасвирлашга бериладиган эмпирик фактларни ҳисоблайди. Билишнинг мезони бўлиб ишончли сезгилар, маълумотларнинг тўлиқ қамрови, қўлланиладиган эмпирик методларнинг хилма-хиллиги хизмат қилади.
Тушунтирувчи методология - умумий қонунларни ёки бўлмаса қонун шаклига эга бўлган объектнинг ҳислатларини белгилайдиган мустаҳкам алоқа ва муносабатларни ўрнатилишини назарда тутади.
Идеал тип – воқеликдаги реал мавжудлиги шарт бўлмаган ижтимоий объектнинг асосий белгиларини таъкидловчи конструкция
Ижтимоий жараён – структуравий ёки функционал жиҳатдан бир-бирни тақозо этувчи ижтимоий ҳодисалар туркуми
Ижтимоий ўзгаришлар – ижтимоий гуруҳ ёки жамиятнинг таянч тузилмаларидаги ўзгаришлар
Социал конфликт – бу исталган социал вазият ёки жараён бўлиб, унда икки ёки ундан ортиқ бирликлар камида битта психологик ёки интерактив антогонизм шакли билан боғлиқ бўлади
Структур функционализм - социологик назария бўлиб, у дастлаб социал ҳодисаларни ижтимоий эхтиёждан келиб чиқиб, тадқиқ қилмоқчи бўлди. Структур функционализм Эмил Дюркгейм ғояларидан илҳомланиб, ривожланди.
Символик интеракционизм - социологик назария бўлиб, инсонларнинг ҳаракти ва ўзаро муносабатлари аҳамиятли коммуникация ва символлар билан алмашишни эътироф этади.
Рол назарияси - инсон ҳулқ-атворини ўрнатади ва у бошқа кишилар томонидан кутиш орқали бошқарилади. Кишилар кундалик ҳаётларида турли-туман ролларни ўйнашади. Масалан, котибадан телефон қўнғироқларига жавоб беришини, ҳужжатларни регистрация қилишини ва ёзув ишларини олиб боришини кутамиз