Санжар отахонов

3-БЎЛИМ. ҲАКАМЛИК МУҲОКАМАСИ 
16-модда. Даъвони тақдим этиш 
1. Ҳакамлик муҳокамаси Ҳакамлик судига даъво аризаси тақдим 
этиш билан бошланади. 
2. Даъвогар ўз талабларини Ҳакамлик судига ёки Ҳакамлик 
судининг котибиятига ёзма шаклда бериладиган даъво аризасида баён 
этади. 
3. Даъво аризасини топшириш куни деб Ҳакамлик судига келиб 
тушган кун ҳисобланади. 
17-модда. Даъво аризасига қўйиладиган талаблар 
1. Даъво аризасида қуйидагилар кўрсатилиши шарт: 
- даъво аризасининг санаси; 

---

572 
- ҳакамлик муҳокамаси тарафлари бўлган юридик шахсларнинг 
номи ва жойлашган манзили (почта манзили), жисмоний 
шахсларнинг фамилияси, исми, отасининг исми, яшаш жойи; 
- даъвогарнинг талаблари; 
- даъвогар ўз талабларини асослаётган ҳолатлар; 
- даъво талабларининг асосларини тасдиқловчи далиллар; 
- даъвонинг баҳоси; 
- тарафлар ҳакамлик битимида ҳакамлик судьяларининг шахсий 
таркибини белгилаган бўлсалар, улар томонидан сайланган якка 
тартибдаги ҳакамлик судьяси ва ҳакамлик судьяларининг исми ва 
фамилияси ёки Ҳакамлик судининг Раиси томонидан ҳакамлик 
судьясини (судьяларини) тайинлаш ҳақидаги илтимоснома, агар 
ҳакамлик битимида тарафлар Ҳакамлик судининг Раисини бундай 
ҳуқуқ билан ваколатлаган бўлсалар; 
- даъво аризасига илова қилинаётган ҳужжатлар ва бошқа 
материаллар рўйхати. 
2. Даъво аризасига қуйидагилар илова қилинади: 
- Ҳакамлик судига низони ҳал қилиш учун тақдим этилиши 
ҳақидаги ҳакамлик битими бор бўлган ҳужжатнинг нусхаси; 
- даъво талабларини тасдиқловчи ҳужжатлар; 
- ҳакамлик йиғими тўпланганлиги ҳақидаги ҳужжат. 
3. Агарда ҳакамлик битимида ҳакамлик судьяларининг шахсий 
таркиби келишилмаган бўлса, даъво аризасига даъвогар томонидан 
сайлаш учун таклиф қилинаётган ҳакамлик судьясининг исми ва 
шарифи кўрсатилган даъвогар томонидан ҳакамлик судьясини 
сайлаш ҳақидаги хабарнома (Ҳакамлик суди ва жавобгар манзилига), 
шунингдек: 
- низо ҳакамлик судьяси томонидан якка тартибда кўриб 
чиқилаётганда даъвогар томонидан таклиф қилинган ҳакамлик 
судьяси номзодини тасдиқлаш ҳақидаги жавобгарга илтимоснома ва 
белгиланган муддатларда ҳакамлик битимининг тарафлари ҳакамлик 
судьяси номзоди ҳақида келишувга келмаган тақдирда Ҳакамлик 
судининг Раисига ҳакамлик судьясини Ҳакамлик судининг Раиси 
томонидан тайинлаш ҳақидаги илтимоснома; ёхуд,
- низо ҳайъатда кўриб чиқилаётганда жавобгарга иккинчи 
ҳакамлик судьясини сайлаш ҳақидаги илтимоснома ва жавобгар 
томонидан иккинчи ҳакамлик судьяси сайланмаган тақдирда 
Ҳакамлик судининг Раисига жавобгар ўрнига ҳакамлик судьясини ва 
сайланган (тайинланган) ҳакамлик судьялари томонидан раислик 

---

573 
қилувчи ҳакамлик судьяси номзоди ҳақида келишув бўлмаган 
тақдирда раислик қилувчи ҳакамлик судьясини тайинлаш ҳақидаги 
илтимоснома. 
4. Даъво аризаси даъвогар ёки унинг вакили томонидан 
имзоланган бўлиши керак. Агар даъво аризаси даъвогарнинг вакили 
томонидан имзоланган бўлса, даъво аризасига ишончнома ёки 
вакилнинг даъво аризасини имзолаш учун ваколатлари борлигини 
тасдиқловчи бошқа ҳужжат илова қилиниши лозим.