Санжар отахонов

14-модда. Ҳакамлик судининг Раиси ва унинг ўринбосари 
1. Ҳакамлик суди раиси Ўзбекистон Республикаси Савдо-саноат 
палатаси Ижроия қўмитаси томонидан тайинланади ва лавозимдан 
бўшатилади. Ҳакамлик судининг Раиси ўз ўринбосарини тайинлайди. 
2. Ҳакамлик судининг раиси ва унинг ўринбосари Ҳакамлик 
судининг фаолиятини ташкиллаштиришни таъминлайди ва мазкур 
Регламентда кўрсатилган вазифаларни бажаради, шунингдек: 
- мазкур Регламентда кўрсатилган ҳолларда низонинг мазмунига 
дахл қилмайдиган масалалар юзасидан ажрим чиқаради; 
- Ҳакамлик судида кўриб чиқилаётган низолар бўйича ҳакамлик 
судьялари томонидан қабул қилинаётган барча ажрим ва қарорларни 
тасдиқлайди; 
- Ҳакамлик судида кўриб чиққилаётган низолар бўйича ҳакамлик 
судьялари томонидан қабул қилинаётган барча ажрим ва қарорлар 
нусхаларини тасдиқлайди; 
- мазкур Регламентга мувофиқ бошқа вазифаларни бажаради. 
3. Ҳакамлик суди Раиси ва унинг ўринбосари жараённи олиб 
бораётган ҳакамлик судьялари таркибининг аъзоси бўлмаса ҳам барча 
ҳакамлик 
муҳокамаларида 
иштирок 
этиши, 
ҳакамлик 
муҳокамасининг олиб борилишини кузатиши ва ҳакамлик 
муҳокамасини ташкиллаштириш, шунингдек ҳакамлик муҳокамаси 
вақтида барча пайдо бўлган саволларга шарҳ ва тавсиялар беришга 
ҳақли. 
 
 
 

---

571 
15-модда. Ҳакамлик суди котибияти 
1. Котибият Ҳакамлик судида иш юритишни олиб бориш ва 
ташкиллаштириш ва ҳакамлик муҳокамасини ташкиллаштириш 
бўйича вазифаларни бажаради, шунингдек: 
- ҳужжатлар ва ишларни Ҳакамлик суди йиғилишига тайёрлаш; 
- суд муҳокамалари хонасидан фойдаланиш вақтини белгилаш; 
- Ҳакамлик суди томонидан кўриладиган ишларнинг ва 
мурожаатларнинг ҳисобини олиб бориш; 
- ҳакамлик суди, ҳакамлик судьялари ва ҳакамлик муҳокамаси 
томонлари ўртасида маълумотлар, ҳужжатлар ва ишларни 
алмаштиришни ташкиллаштириш; 
- иш юритишни олиб бориш; 
- ҳакамлик муҳокамасини ва ҳакамлик суди таркиби йиғилишини 
ташкиллаштириш бўйича Ҳакамлик суди Раиси, раис ўринбосари ва 
ҳакамлик судьяларининг топшириқларини бажариш; 
- ҳакамлик муҳокамасининг баённомасини олиб бориш; 
- ҳакамлик муҳокамасини ташкиллаштириш билан боғлиқ бўлган 
Ҳакамлик суди Регламентида белгиланган бошқа ишларни бажариш. 
2. 
Котибиятни 
Ҳакамлик 
судининг 
Раиси 
томонидан 
тайинланадиган ва лавозимдан бўшатиладиган масъул котиб 
бошқаради.