Samarqand davlat universiteti biologiya fakulteti botanika kafedrasi

 
1. To‘pgullarning umumiy ta’rifi 
Yopiq  urug‘li  o‘simliklarni  novdalari  shaklan  o‘zgarib  gul  chiqargan  shoxchalarga 
aylanadi,  bunday  shoxchalar  to‘pgullar  deb  ataladi.  To‘pgulni  o‘rtasida  vegetativ  barg 
bo‘lmaydi.  
To‘pgulli  shoxlanish  natijasida  ulardagi  gullar  soni  ko‘payadi,  bu  esa  hasharotlarga 
uzoqdan  yaxshi ko‘rinadi. To‘pguldagi  gullar birdaniga ochilmasdan biri-ketin ochiladi bu ham 
chetdan  changlanishga  imkon  yaratadi.  Shamol  yordamida  changlanadigan  o‘simliklarda 
shamolda  oson  tebranadigan  to‘pgullar  (kuchallalar,  boshoq,  shingil)  changlanishni 
osonlashtiradi.  
To‘pgullarni  biologik  ahamiyati  shundan  iboratki,  plastik  material  kam  sarf  etiladigan 
mayda  gullar  to‘pgulga  to‘planib  hasharotlarga  uzoqdan  yaxshi  ko‘rinadi  (ziradoshlar, 
astradoshlar  va  boshqa  o‘simliklarda).  To‘pgullar  hasharotlarga  yaxshi  ko‘rinadi  va  chetdan 
changlanishni  tezlashtiradi.  Shamol  yordamida  changlanuvchi  o‘simliklarning  to‘pgullarga  yon 
bargchalar bilan tutashmagan. Bu esa changni shamol yordamida tarqalishiga ko‘maklashadi.