Russ nashriyotiga so‘z boshi

  

Ular 13 yoshli bolalar emas  

  

Xodimlarga  bolalarga  bo‘lgandek  munosabatda  bo‘lsangiz,  siz  ulardan 

bolalarcha qilinga ishlarni qabul qilib olasiz. Aynan shunay munosabatlar ko‘pgina 

kompaniyalar  siyosatida  joriy  etilgan  holatlar  kam  emas.  Xodimlar  biror  ish 

qilishdan  oldin,  boshliqlaridan  ruxsat  so‘rashlari  kerak,  arzimas  xarajatlar  uchun 

ham  yuqoridagilardan  ruxsat  olishlari  kerak.  Bu  siyosat  shu  qadar  ajablanarliki, 

ba’zida  ularni  xojatxonaga  borish  uchun  ham  ruxsat  so‘rashga  majbur 

qilmasliklaridan hayron qolasiz.  

Boshqaruvning ish olib borish tarzi, har qanday harakatni tasdiqlatishni talab 

qilishi esa, hech narsani o‘ylamaslik madaniyatini paydo qiladi. Boshliq va xodimlar 

o‘rtasida  yaratilgan  munosabat:  “Men  senga  ishonmayman”  degan  ma’noni 

anglatadi.   

---

Masalan, siz hodimning ijtimoiy tarmoqlardan foydalanishi yoki You Tubeda 

video  ko‘rishini  taqiqlab  nimaga  erishasiz.  Umuman  olganda  hech  narsaga.  Bu, 

xodimlarning  ishdan  chalg‘igan  vaqtlari,  sehrli  tarzda  ishlash  jarayoni  vaqtiga 

aylanib  qolmaydi.  Odamlar  qanday  bo‘lmasin,  ishdan  chalg‘ishga  boshqa  yo‘l 

topishadi.   

Siz, hech bir chora bilan, har bir xodimning roppa-rosa sakkiz soat davomida 

uzluksiz ish bilan band bo‘lishiga erisha olmaysiz. Bu safsata. Odamlar sakkiz soat 

davomida ofisda bo‘lishi mumkin, lekin bu vaqt davomida ishdan boshqa narsalar 

bilan  ham  shug‘ullanishadi.  Ular  ish  kunining  o‘zgarmas  ohangini  buzish  uchun 

o‘zlarini  chalg‘itishlari  kerak  bo‘ladi.  Facebook  yoki  You  Tubeda  o‘tkazilgan 

ozgina vaqt hes kimga zarar bermaydi.   

Bu jarayonlarning barchasini nazorat ostiga olishga harakat qilish uchun sizga 

qancha pul va vaqt talab etilishini o‘ylab ko‘ring. Dasturiy ta’minotni o‘rnatish va 

sozlash  qancha  turadi?  IP-mutaxassislariga  haqiqiy  qimmatga  ega  bo‘lgan  loyiha 

ustida ishlash o‘rniga, boshqa xodimlarning harakatini kuzatish uchun qancha vaqt 

talab qilinadi? Siz baribir hech kim o‘qimaydigan yo‘riqnomani yozish bilan band 

bo‘lib,  qancha  vaqt  yo‘qotasiz?  Bu  xarajatlarni  hisoblab  siz  o‘z  hodimingizga 

ishonmaslik sizga o‘ta darajada qimmatga tushadi.