Республикаси олий ва ўрта махсус таълим вазирлиги

1.Умумий қоидалар
Кириш
Бозор иқтисодиётига ҳос бўлган муносабатларнинг ривожланиши солиқлар, солиқ тизими ва солиқ сиёсатида кескин ўзгаришлар бўлишини тақозо этди. Мустақилликнинг дастлабки йилларида солиқ соҳасида қабул қилинган қонун қарорлар мавжуд муаммоларни ҳал қилишга имкон яратди.
Ўзбекистон Республикаси Президенти И.А. Каримов ўзининг “Ўзбекистон буюк келажак сари” китобида: “Ислоҳотнинг ҳозирги босқичида иқтисодий барқарорликни ва таркибий ўзгаришларни таъминлаш биринчи навбатдаги вазифасига айланган чоғда солиқ тизими биринчи галда рағбатлантирувчилик вазифасини бажариши керак”, деб таъкидланганди.
Солиқ тизимини такомиллаштириш мақсадида солиқ хизмати тизими учун мутахассис кадрларни тайёрлаш тизимини тубдан ислоҳ қилиш “Таълим тўғрисида”ги Қонун ва “Кадрлар тайёрлаш миллий дастури”ни ҳаётга татбиқ этиш тадбирларини амалга ошириш жараёнида касбга йўналтириш бўйича фаолиятни такомиллаштиришда таълим беришнинг назарий, амалий, ноанъанавий усулларини, илғор педагогик технологияларни қўллаш давр талабидир.
Фаннинг мақсади ва вазифалари
Фаннинг асосий мақсади – солиқ назарияси ва солиқ қонунчилиги асосларини, солиқ сиёсати, солиқ тизимининг асосий тамойилларини, солиқ муносабатларини умумдавлат ва маҳаллий солиқлар, йиғимлар, давлат божлари, божхона божларини ва бошқа мажбурий тўловларни ҳисоблаш ва тўлаш тартибларини ўрганишдир.
Солиққа тортиш назарияси ва амалиёти ҳамда солиқ соҳасидаги ахборот тизимлари бўйича ўқув жараёнини ташкил этиш назарий ва амалий жиҳатдан тайёргарликни тақозо этади. Бўлажак мутахассис солиқ таълимотининг вужудга келиши ва ривожланиши тарихини билиши, ривожланган хорижий давлатларнинг халқаро солиқ тажрибасини инобатга олган ҳолда солиқ тизимларидаги фарқни тахлил қила олиши, солиққа тортиш соҳасида замонавий компютер технологияларидан фойдаланиш ҳамда замонавий статистик тадқиқот усулларини қўллаб, солиқларни ҳисоблашнинг самарали усулларини асосида солиқ тушумларининг истиқболини белгилай олиши лозим.