Республика болалар ижтимоий мослашуви маркази

“Мен ким” (30 дақиқа)

Агар ўқувчилар бир-бирлари билан таниш бўлсалар танишув машқини ўтказиш шарт эмас. Бу ўйинда ҳар бир иштирокчига қалам ва А- 4 қоғозни 4 бўлакка бўлиб, тарқатилади. Ҳар бир иштирокчи қоғозчага 5 дақиқа ичида ўзининг 10 та ҳарактер сифатларини яъни ўзи ҳақида сўз ёки ибора билан ифодалаб ёзади, сўнгра кўкрагига тақиб олади. Ёзиб бўлгач ўқувчилар давра бўйлаб айланиб бир-бирларини характерларини ўқиб чиқадилар. Ўқиб бўлгач ўқувчилар давра бўлиб ўтирадилар ва бир- бирлари ҳақидаги айниқса уларни ажаблантирган сифатларни муҳокама қиладилар.

Комплимент-энг яхши сўзлар айтиш (5 дақиқа)

Ўқувчилар жуфтликда ишлайдилар. Бир-бирларига энг яхши тилакларни билдирадилар. Масалан: “Бугун кўринишинг жуда чиройли.”, “Синфимиздаги энг аълочи ўқувчисан” “Мен учун қадрлисан” каби сўзларни ўртоғига айтади. Барча ўқувчи гапириб бўлгач машқ жараёнида ўқувчилар ўзларини қандай ҳис қилганликларини айтиб ўтадилар.

“Ролли ўйинлар баҳоси”

Мақсад: мулоқотчанлик установкаларини шакллантириш; ўз ҳолатини бошқариш кўникмаларини таркиб топтириш.
Иштирокчилар уч гуруҳга бўлиниб: 1. Мен доимо сенга ачинаман. Ушбу ҳисдан қандай қутилсам экан? 2. Ўзимдан ўзим нафратланаман. Нима қилсам экан? 3. Менда кўпинча, айниқса, ҳозир тушкунлик ҳолати ҳукмронлик қилади. Уни қандай ўзгартирсам экан? – деган саволларга жавоб излайдилар. Сўнг гуруҳий мушоҳада давом этади. Сарфланадиган вақт 30 дақиқа.

«Қop йиғими»

Бошловчи кўрсатмасига биноан унинг ўнг ёки чап томонида турган иштирокчилардан биттаси ўз исмини айтади. Иккинчиси эса биринчи
иштирокчининг ва ўзининг исмини айтади. Учинчи иштирокчи эса биринчи, иккинчи иштирокчининг ва ўзининг исмини айтади. Шу тариқа охиригача давом этади. Охирги иштирокчи биринчи иштирокчидан бошлаб то гуруҳ аъзоларининг ҳаммасини ва ўзининг исмини айтади. Гуруҳ аъзоларининг бир-бири билан танишиши ана шу тарзда амалга ошади.

«Олма»

Қатнашувчилар давра қуриб ўтирадилар. Бошловчи «Менинг исмим... Мен ...ни яхши кўраман (хоҳлаган нарса ёки кишини айтиши мумкин)», - дейди ва олма (копток)ни бирон кишига қараб отади. Олма (копток)ни илиб олган иштирокчи ҳам ўз навбатида ўзини шундай таништиради ва коптокни бошқа иштирокчига узатади. Ўйин барча иштирокчилар ўзларини таништириб бўлгунларига қадар давом этади.