Республика болалар ижтимоий мослашуви маркази

“Мен ўзимни яхши кўраман, чунки мен ... ”

Мақсад: ўзини ўзи конструктив (ижобий) баҳолашни шакллантириш.
Ҳамма доира шаклида ўтириб, ўзининг энг ижобий хислатларини айтади. Сарфланадиган вақт 20 дақиқа.

“Ўзига ўзи хат ёзиш” Мақсад:

• 
  ўзига адекват (тўғри) муносабатни шакллантириш.
  

Иштирокчи ўзига ўзи хат ёзади. Унда ўзидаги мавжуд ижобий муносабатлар битилган бўлади. Ҳар бир хат ўқиб эшиттирилади ва муҳокама қилинади.
Сарфланадиган вақт 40 дақиқа.

“Ўзим ҳақимда”

Мақсад: атрофидагилардан ўзи ҳақидаги ахборотни олиш.
Иштирокчилар оилавий турмуш тарзи, дўстлари, қизиқишлари тўғрисида расм чизадилар ва уни муҳокама қиладилар.
Сарфланадиган вақт 20 дақиқа.

“Аттракция”

Мақсад: ўзига адекват муносабатни шакллантириш; ўзини-ўзи қабул қилиш. Иштирокчилар ойнага қараб ўзларига хушомад қиладилар, ўзларини-ўзлари мақтайдилар,энг яхши истакларни билдирадилар.
Сарфланадиган вақт 20 дақиқа.

“Мен ишонч билан ҳаракат қилар эдим, агар...”

Мақсад: ишончли ҳатти-ҳаракатга ҳалақит берувчи тўсиқни йўқотиш.
Иштирокчилар гуруҳга ажралиб, “ишонч билан ҳаракат қилишларига ҳалақит берувчи тўсиқларни ёзиб чиқадилар ва уларнинг ҳар бирини муҳокама этадилар” Сарфланадиган вақт 30 дақиқа.

“Ўзимизни қандай тутамиз”

Мақсад: Турли хулқ ҳаракатларини кўриб чиқиш ва уларнинг мулоқотга тегишли ҳаракатлариинг шаклланишига таъсирини аниқлаш.
Материаллар: тоза қоғоз, ручка, қалам, 3 та суратли плакат ва уларга тааллуқли ҳулк, ҳаракатларининг изоҳи.
Материалларни тайёрлаш: Ҳар бир плакатнинг чап томонига у ёки бу ҳулқ ҳаракатини кўрсатувчи тасвир туширилган қоғоз ёпиштирилади. Расмнинг ёнида ушбу ҳулқнинг тавсифлари ёзилган.

Суст (пассив) хулқ:

• 
  Ўз ҳуқуқларингизни таъкидлаш учун ҳеч қандай ҳатти-ҳаракат қўлламаяпсиз.
  
• 
  Ўзгаларни ўзингиздан юқори қўйяпсиз.
  
• 
  Бошқаларнинг хоҳишига ён бераяпсиз.
  
• 
  Сизни нимадир безовта қилса ҳам индамай турибсиз.
  
• 
  Доимо узр сўраяпсиз.