Режа: Бахшичилик санъатини ҳалқимизга барҳаёт этган устозлар

Бола бахши - (асл исми Абдуллаев Қурбонназар) (1899йил Хива тумани Гулланбоғ қишлоғи -1994йил Ўзбекистон халқ достончиси (1938йил). Иккинчи Жаҳон уруши қатнашчиси, Хоразм достончилик мактабининг йирик вакили. Хоразмлик Жуманазар бахшининг шогирди. Ўн ёшларидаёқ катта ёшдаги бахшилар даврасида достон, қўшиқ айтганлиги учун «Бола бахши» номини олган. Унинг репертуарида «Ошиқ Ғариб ва Шоҳсанам», «Ошиқ Маҳмуд», «Бозиргон», «Хирмондали», «Авазхон», «Кампир», «Қирқминг», «Сафар кўса» каби 20 га яқин достон бўлиб, улардан «Бозиргон» (1965йил), «Авазхон» (1967йил) достонлари ёзиб олиниб, нашр этилган. У ёшларга достон айтишни ўргатиш мактаби ташкил қилган (1970йил), кўпгина шогирдлар етиштирган. Ўзбекистон адабиёти ва санъати декадаси (Москва, 1937йил), Ўзбекистон халқ ижодчилари олимпиадаси (Тошкент, 1938йил), Халқаро Олтойшунослар(Тошкент,1987йил) ҳамда бошқа фольклор анжуманлари (1978, 1985йилларда)да қатнашган.

2. 
   Устоз бахшиларнинг издошлари.
   

Қашқадарё, Сурхондарё, Самарқанд бахшичилик мактаби вакиллари дўмбира жўрлигида бўғиқ, яъни ёпиқ овозда терма-қўшиқ ижро этиб, очиқ овозда достон жараёнига таъриф берадилар. Қашқадарё бахшичилик санъати етук достон ижрочиси бўлмиш, Қодир бахши Раҳимов номи билан боғлиқ. Унинг хотираси етмишдан ортик достонлар сақланган. Ҳозирги кунда Қодир бахши анъаналарини унинг ўғиллари, Абдуқаҳҳор, Абдумурод ва Бахромлар давом этмоқдалар. Сурхондарё бахшичилиги Шеробод-Бойсун мактаби билан боғлиқ ва унинг асосчиси Шерна бахши бўлган, унинг анъаналарини шогирдлари Қора бахши, Чори бахши, Шоберди бахши Болтаев, Абдуназар бахши Поёновлар ҳозирги кунда давом этмоқдалар.