Referati Gimnastika bilan shug‘ullanishda bajariladigan harakatli o‘yinlar

Zambarak o‘yini

O‘yinga tayyorlanish. Ikkita jamoa bir-biridan 10-12 qadam masofada start chizig‘i oldida keng maydonga joylashadi. O‘yinchilar orasidagi masofa 4-5 qadam. Har bir saf orqasida 6-8 qadam narida yana bittadan chiziq o‘tkazilib, bu chiziq maydonni ko‘ndalangiga kesib o‘tadi. Bu “asarlar” chizig‘i.
O‘yin tasnifi. O‘yin tuzilishiga ko‘ra yuqoridagi “Mokisimon yugurish” o‘yiniga o‘xshaydi, biroq bu yerda har bir komanda juft-juft bo‘lib musobaqalashadi. O‘qituvchi signali bo‘yicha bir jamoa vakillari birinchi bo‘lib to‘pni turtadilar. Shundan so‘ng to‘p tushgan joyidan (shuningdek signal bo‘yicha) teskari tomonga raqib qarshisidagi o‘yinchilar, to‘pni xuddi shu tarzda turtadilr. Har bir juftlik o‘rtasidagi musobaqa qachonki o‘yinchilardan biri to‘pni asirda turgan chiziq orqasiga o‘tkazib yuborgan paytgacha davom etadi.
O‘yin 5-8 davom etib, yakunlanadi.
O‘yin juftliklar bellashuvi natija bilan yakunlanmaguncha davom etadi. O‘yin yakunida g‘olib jamoalarni va eng yaxshi (eng kuchli) zambarakchilar taqdirlanadi.
O‘yin qoidasi. To‘p tushgan joyi rangli taxtacha bilan belgilanadi.

Shitdan maydonga

O‘yinga tayyorlanish. Devor (shit)dan 4 metr masofada start chizig‘i chiziladi. Undan maydon o‘rtasigacha bir-birindan bir metr masofada yo‘lakcha-chiziqlar chiziladi va raqamlar bilan belgilanadi. Devordan qancha uzoq bo‘lsa, chiziqlar soni shuncha ko‘p bo‘ladi.
O‘yin tasnifi. O‘yinchilar navbat bilan start chizig‘idan to‘pni devorga otadilar va u devorga urilib uzoqqa qaytib tushishi lozim. Qaytgan to‘p qanchalik uzoqqa tushsa, uloqtiruvchilar o‘z jamoasiga shuncha ko‘p ochko keltiradi. Jamoaning barcha a’zolari to‘plagan ochkosiga qarab g‘olib aniqlanadi. Devorda doira shaklida belgilangan nishon yordamida ham o‘yin o‘tkazish mumkin. Bunday holatda otish kuchi va aniq mo‘ljalga urish hisobga olinadi, to‘p bilan o‘qituvchi yuqoriga otgan basketbol to‘pini poylash ham mumkin.
Gorizontal nishonni mo‘ljalga ol!