Referati Gimnastika bilan shug‘ullanishda bajariladigan harakatli o‘yinlar

Yer ustidagi nishonga
O‘yinga tayyorlanish. Voleybol maydonchasining har tomonida, hujum chizig‘i oldida diametri 1,5 m ga teng doira chiziladi. Ikkita jamoa to‘rdan turli masofada joylashadilar. Bir jamoa o‘yinchilari qo‘lida tennis to‘pi bo‘ladi.
O‘yin tasnifi. Rahbar signali bo‘yicha har bir jamoadan ikkita o‘yinchi bir vaqtda to‘r tomon intiladi. Qo‘lida to‘p ushlagan o‘yinchi imkon boricha baland sakrab va harakatni ta’kidlab ko‘rsatib, raqib tomonidagi doiradan biriga to‘p otadi. To‘r orqasidagi o‘yinchi to‘siq qo‘yib, unga halaqit berishga harakat qiladi. Hujumchi hohlagan doiraga to‘p tushirsa, ikki ochko oladi. Agar u to‘siqni yengib o‘tib, to‘pni doiraga (maydoncha tashqarisiga) chiqarib yuborsa, tushira olmasa-1 ochko beriladi.
Qaytadan otish
O‘yinga tayyorlanish. O‘yinchilar to‘rning ikki tomonida (voleybol o‘yinidagi kabi) joylashib turadilar. Har bir jamoada 6-8 kishi bo‘ladi.
O‘yin tasnifi. O‘yin jamoalardan birining to‘pni o‘yinga kiritishi bilan boshlanadi. Boshqa jamoa to‘pni qabul qiladi va uni voleybol o‘yini qoidalari bo‘yicha o‘ynaydi, to‘pni uchinchi zarba bilan raqib tomoniga yo‘naltiradi. Shuningdek ular ham to‘pni bir-biriga oshirib, raqib tomoniga uzatadi. Texnik xatoga yo‘l qo‘ygan o‘yinchi, qarama-qarshi tomondagi asirlar turadigan chiziqqa yo‘llanadi. Jamoada to‘pni uzatish imkoniyatini yo‘qotadi. O‘yin qaytadan tiklanadi. “Asir”ga tushgan o‘yinchi o‘yin davomida (maydondan chiqmasdan) to‘pni ushlab olishga harakat qiladi va uni o‘z maydonchasiga (raqib tomonidan halaqit bermagan holda) oshiradi. Uning jamoasi o‘yinchilari istagan usulda zarba berish (uchta oshirish) bilan to‘pni orqaga yo‘naltiradi. Agar hujum muvaffaqiyatli yakunlansa, “asir” tushgan o‘yinchi o‘z sherigi oldiga qaytib keladi, xatoga yo‘l qo‘yilsa, “asir”lar turadigan chizig‘i ortiga yana bir o‘yinchi yo‘llanadi.
Hujum qilayotgan jamoa o‘yinchilari o‘yin davomida asirdagi sheriklariga to‘pni ataylab uzatishlari mumkin.
O‘yin 10-15 daqiqa davom etadi. Jamoalardan biri shu vaqt ichida barcha o‘yinchilarini yo‘qotishi mumkin (asirga tushishi mumkin). O‘yin maydonda qolgan o‘yinchilar soniga qarab yakunlanadi.
O‘yin qoidasi. O‘yin voleybol o‘yini qoidalari bo‘yicha o‘tkaziladi. O‘yinni soddalashtirilgan qoida bo‘yicha o‘tkazish to‘g‘risida (o‘rganilganidan so‘ng) kelishib olish mumkin, agar devordan ilib olmasdan, to‘pni havoda ilib olsa, u yana o‘yinga kirib o‘ynashi mumkin. Shuningdek, boshqa o‘yin momentlarini gaplashib olishi ham mumkin.