Qurilish bosh rejasini loyihalash

Qurilish bosh rejasini loyihalash.
Qurilish bosh rejasi binoni boshidan oxirigacha qurilishni olib borish jaayonida yoki qurilish ishlarini olib borishning ma’lum bir qismiga (bino qurilishining yer osti qismini barpo etish, qurilish konstruksiyalarini montajiga, pardozlash ishlariga va boshqa ishlar uchun) loyihalanadi.
Kurs loyihasini bajarishda qurilishning bosh rejasi binoning asosiy qismiga, ya’ni binoning ustki qismini barpo etish uchun loyihalanadi.
Qurilishning bosh rejasi vatman qog’ozining A-2 formatiga 1:200 yoki 1:500 masshtablarda binoning oʻlchamlariga bog’liq holda chiziladi.
Qurilish bosh rejasini loyihalashda quyidagi ketma- ketlikga rioya qilgan holda amalga oshirish lozim boʻladi:

• 
  Qurilish maydonining chegarasi hamda bino va inshoatlarning konturi chizib aniqlaniladi;
  
• 
  Harakatlanadigan qurilish mashinalari yoʻllarining oʻqi belgilab olinadi va qurilish montaj kranlarining kran osti yoyoʻllari chizilib, kranlarning uzalish hududlari koʻrsatiladi;
  
• 
  Qoʻzg’almas qurilish mashinalari va mexanizmlari (qorishma tayyorlash tuguni, koʻtargich, kranlar)ning belgilab olinadi;
  
• 
  Qurilish materiallari va ashyolarini taxlash uchun maydonchalar chegaralari ajratiladi;
  
• 
  Vaqtinchalik yoʻllar loyihalaniladi;
  
• 
  Ombor (sklad)lar (ochiq, yopiq va Ayvon), vaqtinchalik ma’muriy va maishiy binolar loyihalaniladi;
  
• 
  Texnika xavfsizligi va yong’inga qarshi tadbirlar ishlnmalari koʻrsatiladi (xavfli hudud chegaralari, yong’in gidrantlarining oʻrni, chekish joylari belgilanadi).
  

Vaqtinchalik bino va inshoatlar, yoʻllar,omborxonalar (sklad), montaj qiluvchi kran va mexanizmlar shunday joylashtirilishi kerakki, ichki tashuv ishlarini yengillashtirishi va ishlab chiqarish jarayoniga qulaylik yaratilishi hamda kam xarajatli boʻlishi lozim. Vaqtinchalik bino va inshoatlar juda kam, yetarli va tegishli ravishda asoslangan boʻlishi kerak. Odatda qurilish me’yorlariga asosan vaqtinchalik bino va inshoatlar inventar yasalgan, yig’ma qismlarga ajratiladigan boʻlishi va koʻchib yuradigan tanlanishi kerak.
Qurilish bosh rejasida vaqtinchalik bino va inshoatlar, yoʻllar, suv va elektr ta’minoti tarmoqlari, ochiq, yopiq hamda ayvonli omborxonlar va boshqa ta’minotchi inshoatlar hamda qurilmalar asosiy binoga bog’langan boʻlib texnika xavfsizligiga va yong’inga qarshi me’yorlarga javob berishi kerak.
Qurilish bosh rejasini chizishda shartli belgilarga albatta rioya etilib, uni tavsiflovchi (eksplikasiya) belgilar keltirilishi zarur.
Tushuntirish xatida ketma – ket ravishda qurilish obyekti xoʻjaligi, vaqtinchalik bino va inshoatlar qurilish bosh rejasida joylashilganligi asoslanishi zarur. Albatta tushuntirish xatida qurilsh xoʻjaligi boʻyicha qabul qilingan yechimlar va hisob – kitoblar batafsil yoritilishi kerak.