Qora qalpoq indd

Úlgi
 
 
 
 
 
 

27-qosımsha
AVTOMASHINANÍŃ ALDÍ-SATTÍ
SH Á R T N A M A S Í
Qaraqalpaqstan Respublikası Nókis qalası, eki mıń 
jigirmalanshı jıl on besinshi aprel kúni
Bizler, Nókis qalası Ájiniyaz kóshesi 45-jayda 
jasawshı Turǵanbay Ikramovich Tursınov hám 
Nókis qalası Kúnxoja kóshesi 65-jayda jasawshı 
Polat Arıslanbaevich Joldasovlar usı shártnamanı 
tómendegiler haqqında dúzdik:
1. Men, Turǵanbay Ikramovich Tursınov, Nókis 
qalası dizimge alıw hám imtixan alıw bólimi tárepinen 
2020-jıldıń 26-aprelinde berilgen GE 654376 sanlı 
texnikalıq pasport boyınsha maǵan tiyisli bolǵan 
«Neksiya» markalı, 2011-jılda islep shıǵarılǵan, 
shassi nomeri 616263, motor nomeri 211221, kuzov 
nomeri 542, qızıl reńli, 95 F 180 AA mámleketlik 
belgisine iye bolǵan avtomashinamdı sattım; men 

---

110
Polat Arıslanbaevich Joldasov, joqarıda kórsetilgen 
avtomashinanı satıp aldım.
2. Joqarıda kórsetilgen avtomashina 106 at kúshine 
iye bolıp, tárepler onı 96000000 (toqsan altı million) 
somǵa bahaladıq hám avtomashina usı bahada satıldı.
3 Men, Turǵanbay Ikramovich Tursınov, satılǵan 
avtomashina ushın Polat Arıslanbaevich Joldasovtan 
kórsetilgen muǵdardaǵı puldı usı shártnamanı qol 
qoyıw waqtında tolıq aldım.
4. Usı shártnamaǵa shekem aldı-sattı bolıp 
atırǵan avtomashina basqa shaxsqa ótkerilmegen, 
girewge qoyılmaǵan, tartısta bolmaǵan, oǵan sheklew 
qoyılmaǵan.
5 Usı shártnamanı dúziw ushın ketetuǵın qarjılardı 
Polat Arıslanbaevich Joldasov tóleydi.
6. Usı shártnama P.A.Joldasovqa joqarıdaǵı 
avtomashinanı Nókis qalalıq dizimge alıw hám imtixan 
alıw bóliminen dizimnen shıǵarıw huqıqın beredi.
7. Usı shártnama JHQB mákemelerinde dizimge 
alınıwı tiyis. Shártnama úsh nusqada dúzilip, biri Nókis 
qalası mámleketlik notarial keńsesinde saqlanadı, 
qalǵanları avtomashinanı dizimnen shıǵarıw hám 
dizimge alıw ushın P.A.Joldasovqa beriledi. 
(qolı) T.I.Tursınov
(qolı) P.A.Joldasov
(Notarial keńseniń tastıyıqlawshı jazıwları hám 
móri).
Jeke múlk huqıqında puqaralarǵa qaraslı bolǵan 
turaq jaylardı, ayırım xanalardı ijaraǵa beriw haqqındaǵı 
shártnamalar ámeldegi nızamshılıqqa muwapıq ijaraǵa 

---

111
alıwshı menen úy iyesi ortasında dúziledi. Bunday 
jaǵdaylarda shártnama dúziletuǵın múddet táreplerdiń 
kelisiwi menen belgilenedi. Turaq jay ijarası haqqındaǵı 
shártnamada onıń mazmunı, múddeti hám basqa shártler 
kórsetiledi. Bir qatar mámleketler Puqaralıq kodeksleriniń 
tiyisli statyalarında jeke turaq jay xanalarınan paydalanǵanı 
ushın haqı tólew táreplerdiń kelisimi menen belgileniwi, 
biraq bul tólemler nızamda belgilengen muǵdardan tek 
20% ke shekem asıwı múmkinligi kórsetilgen.
Eger shártnama turaq jaydı (xananı) bosatıw shárti 
menen bir jılǵa jetpegen múddet ushın dúzilgen bolsa, 
ijaraǵa alıwshı shártnamanı jańa múddetke jańadan dúziw 
huqıqınan ayırıladı, qalǵan basqa jaǵdaylarda ol bunday 
huqıqqa iye.