Qangʻ davlati tarixini va boshqaruv tizimini arxeologik yodgorliklar orqali oʻrganish

Mavzuning oʻrganilish darajasi. Mazkur bitiruv ishini yozish uchun koʻplab adabiyotlardan foydalanildi. Tadqiqotning nazariy asosini birinchi rezidentimiz I.A.Karimovning asarlari va mavzuga doir bildirgan fikr hamda nutqlari tashkil etadi³.Qangʻ va Davon davlatiga tarixiga oid moddiy manbalarni Oʻzbekistonning janubiy xududlari tarixini yoritishda tadqiqotchi olimlardan: A.Asqarov⁴ E.Rtveladze⁵, B.Abdullayev⁶, A.Sagdullayev T.Shirinov, U.Raxmonovlarning ishlari oʻrganildi. Toʻplangan ilmiy maʼlumotlar,fanga joriy etilgan dalillar Oʻrta Osiyo shaharlari tarixini yangi asoslarda tadqiq etish, ilmiy yondashuvlar va konsepsiyalarni umumlashtirishni dolzarb vazifalardan biriga aylantirdi. Yurtimizda ilk shaharsozlik asoslarining paydo boʻlishi,shakllanish bosqichlari asosan yozuvsiz davrlarga toʻgri keladi.Bu oʻrinda arxeologik maʼlumotlarning ahamiyati nihoyatda ulkan boʻlib, ilk shaharlar tarixini tadqiq etishda ulardan asl manbalar sifatida foydalanish dolzarbdir.Mashhur arxeolog olim B.A.Ribakovning fikricha, arxeologiyaning tarixiyligi nafaqat tarixning turli davrlaridagi voqealarni bogʻlanishi va izchilligiga qarab tasvirlabgina qolmasdan, balki qator muhim tarixiy muammolar: xoʻjalik tarixi, ijtimoiy rivojlanish tarixi, din va sanʼat, etnogenez va qadimgi qabilalar migratsiyasi tarixi, davlatchilikning paydo boʻlishi masalalari, antic yoki oʻrta asrlar shaharlari masalalari, savdo-sotiq tarixi, madaniyatlarning oʻzaro almashinuvi kabi masalalarni oʻrganish bilan izohlanadi.
Kurs ishining maqsad va vazifalari. Tadqiqotdan koʻzlangan asosiy maqsad va vazifalar quyidagilardan iborat:
- Ilk shaharlar tarixida roʻybergan madaniy, ijtimoiy iqtisodiy va siyosiy jarayonlarni, ilk shaharlar taraqqiy etishining asosiy omillari va sabablarini zamonaviy yondashuvlar asosida aniqlash ,qadimgi Oʻrta Osiyo shahar madaniyatining shakllanishi va rivojlanishi tarixi; “shahar” ni tarixiy tushuncha sifatida izohlash xaqidagi turli konsepsiyalar va yondashuvlarni koʻrib chiqish.