Pollinoz. Etiologiya, patogenez, diagnostika, zamonaviy davolash usullari va profilaktikasi

1 – avlod antigistamin preparatlari

Xloropiramin (suprastin) Klemastin (tavegil) Difengidramin (dimedrol) Xinuklidil (fenkarol bikarfen) Dimebon (dimebon) Mebgidrolin (diazolin, omeril) Diprazin (pipolfen) Siprogentadin (peritol) Ketotifen (zaditen, astafen).

Suprastin tabletka 0,025 g (20dona) va ampulalarda 1 ml 2% (5ta ampula) shaklida ishlab chiqariladi. Tez ta’sir qiladi, ta’sir qilish vaqti 4-6 soatgacha. Kattalar va 14 yoshdan katta bolalarga ovqat vaqtida 1 ta tabletkadan 3-4mahal kuniga ( 6 kun davomida) buyuriladi; 6 yoshdan 14 yoshgacha bo’lgan bolalarga ½ tabletka 2-3 mahal kuniga beriladi.
Nojo’ya ta’siri: uyqu chaqiradi, bosh aylanishi, koordinatsiyani buzilishi, og’iz qurushi, ko’ngil aynishi va oshqozonda og’riq bo’lishi mumkin.
Qarshi ko’rsatma: homiladorlik, laktatsiya, 1 oylik chaqaloq, glaukoma, prostate bezi adenomasi, siydik chiqishi kamayishi, oshqozon yarasi o’tkirlashgan fazasi, preparatga yoki yetilendiaminga yuqori sezuvchanlik.


Tavegil tabletka 0,001 g (30 dona qutida), ampulalarda 2ml (5 va 10 ampula) va 1 yoshdan 6 yoshgacha bo’lgan bolalar uchun sirop shaklida ishlab chiqariladi. Preparat tez ta’sir qiladi va ta’sir kuchi 10 -12 soatgacha yetadi. Kattalar va 12 yoshdan katta bolalarga 1 tabletkadan yertalab va kechqurun buyuriladi. 6 yoshdan 12 yoshgacha bo’lgan bolalarga nonushtadan oldin va uyqudan oldin ½ tabletkadan buyuriladi. Parenteral usul bilan yesa 2 ml dan sutkasiga 2 marta mumkin.
Nojo’ya ta’siri: charchoq hissi, sedativ ta’sir, markaziy nerv sistemasiga stimul ta’sir ko’rsatishi mumkin, og’iz qurishi, bosh og’rig’i, bosh aylanishi, ko’ngil aynishi, oshqozon atrofida og’riq, ich qotishi, teri toshmalari kuzatilishi mumkin.