Pensiya ishi darslik i-qism toshkent-2020 Rustamov D. R., Tursunov J. P., Beknazarov Z. E

7.2. O‘zbekiston Respublikasi Moliya vazirligi huzuridagi budjetdan tashqari Pensiya jamg‘armasi

130
131
132
133
134
7.3. O‘zbekiston Respublikasining Bandlikka ko‘maklashish davlat jamg‘armasi
O‘zbekiston Respublikasining Bandlikka ko‘maklashish davlat jamg‘armasi bandlik va mehnatni muhofaza qilish sohasidagi davlat siyosatini amalga oshirish, shuningdek tuman (shahar) aholi bandligiga ko‘maklashish markazlarining samarali faoliyat ko‘rsatishi tadbirlarini moliyalashtirish uchun tashkil etilgan.
Bandlik jamg‘armasi yuridik shaxs tashkil etmasdan respublika va mahalliy darajalarda tashkil etiladigan davlat maqsadli jamg‘armasi hisoblanadi. Bandlik jamg‘armasi mablag‘lari uning mustaqil balansida aks ettiriladi.
Respublika va mahalliy darajada tashkil etilgan Bandlik jamg‘armasi mablag‘lari O‘zbekiston Respublikasi Moliya vazirligining g‘aznachiligi, g‘aznachilikning Qoraqalpog‘iston Respublikasi, viloyatlar va Toshkent shahri boshqarmalari tomonidan ochiladigan Bandlik jamg‘armasining g‘aznachilik hisob raqamlarida jamlanadi. Bandlikka ko‘maklashish davlat jamg‘armasi daromadlari tarkibida yagona ijtimoiy to‘lov summasidan 0,1 foizli majburiy ajratma o’sish sur’atiga ega bo’lgan (7.1-jadval).