Pensiya ishi darslik i-qism toshkent-2020 Rustamov D. R., Tursunov J. P., Beknazarov Z. E

V
Vaqtincha mehnatga layoqatsizlik davri – ish davrida
boshlangan vaqtincha mehnatga layoqatsizlik davri davomiyligi ushbu ish joyi bo’yicha beriladigan ma’lumotnomalar bo’yicha belgilanadi.
D
Davlat byudjeti – davlatning muayyan vaqt (odatda, bir yil) uchun mo’ljallangan pul daromadlari va xarajatlari majmui. Davlat byudjeti davlat ixtiyoridagi pul fondlarining taqsimlanishini bildirib, u davlat moliyasining bosh bo’g’ini hisoblanadi. Davlat byudjeti tarkiban umumdavlat byudjeti va mahalliy byudjetga bo’linadi;
Davlat moliyaviy nazorati – byudjet to’g’risidagi qonun
hujjatlarining ijrosi ustidan nazoratni amalga oshirish maqsadida moliyaviy nazorat obyektlarining buxgalteriya, moliya, statistika, bank hujjatlari va boshqa hujjatlarini o’rganish hamda taqqoslash;
Daromad – keng ma’noda kirim bo’lgan har qanday pul mablag’lari yoki pul qiymatiga ega bo’lgan moddiy boyliklarni olish, iqtisodiy subyekt o’z faoliyati natijasiga ko’ra oladigan pul va tovar – moddiy tushum. Daromad pul va moddiy shaklga ega bo’lib, ularning yig’indisi jami daromadni hosil qiladi;
Deontologiya – shifokor zimmasida har bir bemorni davolashdek ulkan mas’uliyat bor. Xastahol kishining sog’ayishida shifokorning munosabati ham muhim rol o’ynaydi. Bunday munosabat tibbiyotda “deontologiya” deyilib, bu atama birinchi bor ingliz olimi Bentam tomonidan kiritilgan. Deontologiya vrachning har bir harakati, yuz ifodasining o’zgarishi, gapirish ohangi, kiyinishi, hushmuomalaligi, ziyrakligi, sergakligi, donoligi, qobiliyati, oliyjanobliligi, qat’iyatliligi, odobi va madaniyati, hozirjavobligi singari insoniy fazilatlari majmuasidan iborat;