Pedagogika

PEDAGOGIKA
 
2016, 4-son
 
 
 
113 
Ushbu  holatni  yaratgandan  sо‘ng  bakalavrlarda  maqomlar  borasida  fikr 
yuritish,  maqomlarni  tinglash,  maqom  shо‘balaridan  ijro  etish  samaradorligi 
oshadi,  ularda  intellektual  va  musiqiy  tafakkur,  samarali  idrok  etish  faoliyati 
kuchayadi,  badiiy  jarayonni  his  etish  tiniqlashadi.  Bular  esa  birgalikda  о‘sib 
kelayotgan yosh avlod – bakalavrlarda aqliy va hissiy imkoniyatlarning oshishiga 
kо‘maklashadi. 
Aytish mumkinki, maqomlar silsilasi orqali bakalavrlarda musiqiy tafakkur 
va idrokni samarali rivojlantirish uchun birinchi navbatda, pedagogik, axborot va 
innovatsion  texnologiyalardan,  shuningdek,  musiqa  ta’limi  yо‘nalishida  tahsil 
olayotgan  talabalar  jamoasini  jipslashtirishning  turli  yо‘llaridan,  foydalanish 
mumkin. Ular bilan guruhiy faoliyat shakllarini samarali qо‘llash (guruh jamoasi 
bilan  maqom  ansambli  tarkibida  ijro  etish),  har  bir  talabaning  vokal 
imkoniyatlaridan  о‘z  о‘rnida  foydalanish  (masalan,  maqom  shо‘balarini 
kuylashda  tenor,  bariton  yoki  bas  ovozini  о‘z  о‘rnida  ishlata  bilish),  talabalarni 
maqom  ijrochiligi  faoliyatiga  qiziqtirish,  ular  bilan  maqom  ijrochiligi,  jumladan, 
mashhur  maqom  xonandalari,  sozandalari  va  musiqashunoslar  borasidagi 
bilimlarini  musobaqa,  debat,  bahs-munozara,  viktorina,  trening,  tanlov  kabi 
shakllarda  о‘rganish  mumkin.  Ushbu  ish  usullarining  barchasi  bakalavrlarda 
maqomlar silsilasi orqali musiqiy tafakkur va idrokni yuksaltirishda muhim omil 
bо‘ladi.  
Maqom  shо‘balarini  tinglaganda  talaba  musiqaning  mazmuniga  kirishib, 
fikrlay boshlaydi va uni mantiqiy tushunishga, ma’no va mazmunini yakuniga olib 
kelishga harakat qiladi. Fikrlash doimo bir narsa xususida kamida bitta yechimni 
berishi  shart,  aks  holda  u  boshqa  jarayonga  –  xayol  yoki  fantaziyaga  aylanib 
ketishi  mumkin.  Demak,  mumtoz  musiqa-maqomlarni  tinglaganda,  albatta 
musiqa va matn mazmunidan kelib chiqqan holda fikrlash zarur, bu esa tafakkur 
jarayonining faollashishiga olib keladi. Mumtoz kuy, ashula, maqom – bu yoqimli 
tovushlar  vositasida  ifodalangan  mazmun,  ma’nolar  majmui.  Mazkur  ma’noni 
anglash,  bevosita  tafakkur  va  idrok  qilish  jarayonlarining  izchil  faoliyatini  olib 
borish  va  uning  davomiyligini  ta’minlash  musiqashunos  olimlar  va  maqom 
ijrochilarining oldida turgan dolzarb vazifalardan biri sifatida qaraladi.