O’zbekistonda ijtimoiy-iqtisodiy jarayonlarning tahlili

1-rasm. Hududlar kesimida faoliyat koʻrsatayotgan korxona va tashkilotlar¹

2021- yilning 1- yanvar holatiga ko‘ra respublikaning barcha hududlarida korxonalar soni oʻtgan yilning mos davriga nisbatan oshganligi kuzatilgan boʻlib, eng yuqori o‘sish sur’ati Toshkent shahriga (20,2 %) nisbatan eng kam ulush Sirdaryo viloyatiga (3,3 %) toʻgʻri keldi. Iqtisodiy faoliyat turlari kesimida oʻtgan yilning mos davriga nisbatan eng yuqori oʻsish qishloq, oʻrmon va baliqchilik xoʻjaligida (140,6 %) va savdo sohasida (130,8 %) kuzatilgan boʻlib, qurilishda (113,1 %) hamda tashish va saqlashda (112,6 %) boshqa faoliyat turlariga nisbatan kamroq oʻsish boʻlganligini koʻrishimiz mumkin.

2020 yilda yangi tashkil etilgan korxonalar soni 2019 yilning mos davri bilan solishtirilganda I chorakda 23,8 %, II chorakda 15,1 % va III chorakda 5,1 % past koʻrsatkichga ega boʻlib, yil yakuniga kelib esa bu koʻrsatkich deyarli tenglashib oldi. Shuningdek, ushbu davrda qishloq, oʻrmon va baliqchilik xoʻjaligi (200,0 %), axborot va aloqa (115,0 %) hamda sogʻliqni saqlash va ijtimoiy xizmatlar koʻrsatish (105,4 %) sohalarida, hududlar kesimida esa Surxondaryo (152,3 %), Andijon (114,1 %), Farg‘ona (117,8 %), Jizzax (120,2 %), Namangan (111,8 %) va Samarqand (105,5 %) viloyatlarida oʻtgan yilning mos davriga nisbatan oʻsish kuzatilgan.